واعذاب اللي تردت به ظروفه
عقب ما هانت غدت شيّ بعيد
ضاعت احلامه وزادت به الحسوفه
وانقفل باب الاماني بالحديد
هام قلبه بمهرتن ماجت بشوفه
ولا لمح له زول حتى من بعيد
عشق ما يعرف طريقه ولا وصوفه
عشق اظنّه عند خلق الله زهيد
هو عشقها بلا قصيد ولا بروفه
هو عشقها وانطوى بليله وحيد
كان باكي كان خايف من ظروفه
دون ما يشكي ياهو خبل وعنيد
كان همّه مهرته وهي كل خوفه
وكان يحلم لو يجي يومن سعيد
كان خايف لاتعدّاه وتـطوفه
كان خايف لايظل عمره وحيد
كان واقف يحسب انها به شغوفه
أمتخيل انّها له هالبليـد
ياردى حاله وياقسوة ظروفه
حالته كل يوم في همّه تزيد
الجموها وزينوها وامعروفه
بالنهايه مات هالقلب الوحيد

وسلامتكم
انا كتبت هالقصيده عن معرفه تامه بكل جوانبها
وللاسف فهي قصه حقيقيه

جلال الخالدي

__________________________________

مهما يكون الشعور اللي علي بادي
ما زلت انا الوارد اللي ما طوى حبله