يابحر
يا بحر بسألك ليش أمواجك الليلة تعاني
أنت مثلي يا بحر فاقد لك حبيبه
أنت متضايق عشانك ولا متضايق عشاني
اسألك بالله قلي يا بحر ايش المصيبة ؟
ولا اقول أسكت وأنا بحكي عن اللي لك وداني
ببتدي معك الكلام وكل ما عندي بجيبه
تذكر اللي لفتتني لكل ما في الحب من معاني
تذكر اللي كلها حب وغرام ونهر طيبة
تذكر اللي صوتها تشتاق له حتى المواني
كل ميناء يسأل الثاني إذا طول مغيبه
تذكر اللي في احضاني تشعل الدنيا اماني
تذكر اللي نورها سود الليالي تقتدي به
تذكر اللي قعدتها تقلب الساعة ثواني
تذكر اللي عطرها حتى طيورك تحتفي به
تذكر اللي علمتني كيف اروض هالمعاني
كل ما مرت علي بيت للشعر احتفي به
تذكر اللي كل صبح تمرني باحلى تهاني
صار كل العمر عيد وصارت اقرب من قريبة
قبل يومين تركتني ورحلت مع شخص ثاني
شخص ما كانت تحبه بس ما ادري قلب حالها به
عارف اني من سببها كاسرٍ خاطر زماني
وعارف اني اول انسان كسر خاطر نصيبه
وعارف أن ربي اخذ مني مثل ما هو عطاني
وادري ان الغالية راحت رضى ماهي غصيبة
بس اقول الله كريم وعمر كل الناس فاني
والمكان اللي خلا بدونها ما هي مصيبة
دخلك بالله قلي حط نفسك في مكاني
شو تعمل يا بحر لا صارت فاقد لك حبيبه؟؟
----------------------
مع ارق تحيا
:
الحلوا
تعليق