السلام عليكم ورحمة الله وبركاته ،،،،

هذي اول مشاركة لي في هذا القسم ،،، اتمنى انها تكون مشاركة حلوة وخفيفة ..... وأحب اخبركم في البداية انه الموضوع " منقول "....

الله يسلمكم ويطول في عمركم
كان في بنت وولد يدرسون ويا بعض ،،،، الولد حب البنت ،،، وهي تحاول تستهبل ... اي بالمعنى الأصح انها تتحاول تتظاهر بأنها ما تعرف حبه لها ... وفي يوم من الايام كتب لها هذي القصيدة وقال فيها :-

انت ياللي عنك قلبي ما سلا
لي متى بالشوف دايم تبخلي
كنت قبل اعرفك اطلع الاولا
وف الدراسة كان لا يعلى علي
ذاك قبل اعرفك اما اليوم لا
يوم شفتك كل شي اتبدلي
صرت لأبعد حد طالب مهملا
ومن نظرني قال منت بالاولي
انطرد مرة ،، ومرة ،،، افصلا
ومرة يقولون حول منزلي
اذكر انه صار موقف مخجلا
موقف خله على الله صارلي
فيه مرة كنت فيها غافلا
كنت سارح في حلاك اتأملي
وللنحو استاذ كان اسمه علا
كان يشرح ثم لاحظ مشغلي
جا معصب قال:انته يا ولا
امسك الطبشور واعرب ما يلي
ارتبشت وقلت ها ..ويش..من ..هلا
وقمت تدري ويش صار اتخيلي
قمت ارسم نارك اللي تشعلا
في وسطها قلبي اللي ينصلي
لو تشك بما اقوله اسألا
ذاك بيتي وأسألي عني هلي
بس لا يشوفك ابوي تحملا
يدري ان انتي سبايب مقتلي
انت تدري وين قدرك وصلا
بس في ذمتك لا تستهبلي
لازم يكون الهوا متبادلا
والحياة اخذ وعطا خذ واعط لي
هكذا يكون الهوا والا فلا
ما يغطي الشمس خيط المنخلي

هذي هي القصيدة ،،،، واتمنى تكون عجبتكم ...

وعلى فكرة القصيدة كثير اشتهرت ....

ودمتم دائما بصحة وســــــلام