السلام عليكم ورحمة الله
عزيزاتى بنوتات ساندروز
جبت لكم النهاردة طريقة جميلة وبسيطة للديكور انا شخصيا جربتها
واتمنى تجربوها وتقولوا لى النتيجة
المطلوب:
• قلم رصاص وفرشاة للتحديد والتلوين.
• كتر "سكينة للتقطيع" Cutter.
• لوح فلين "موجود في المكتبات"
• مجموعة من ورق الأشجار مختلفة الأشكال ومن المهم "إنه لا يكون جاف".
• شريط لاصق اسمه "دبل فيس" Double Face "موجود في المكتبة برضه
لو مش موجود فممكن نستخدم أي نوع من الصمغ القوي.
• مجموعة ألوان "آكريليك" ويفضل طبعًا أن تختاري الألوان المقاربة لألوان الشجر الطبيعية
زي البني والأخضر والأصفر بدرجاتها وممكن تدخلي اللون الذهبي كمان.
الطريقة :
1. ثبتي ورق الشجر على الفلين باللصق.
2. ابدئي في قطع الفلين على شكل ورق الشجر،
ولكن بحرص علشان تحافظي على شكل الفلين.
3. خلي بالك عند لصق ورق الشجر على الفلين،
لازم تكون الناحية الخشنة من ورقة الشجر للخارج
علشان تستفيدي من الشكل الخارجي للورقة.
4. ادهني ورق الشجر المثبت على الفلين بدرجات الألوان المختلفة
حسب ذوقك وابدئي بطبعه على حوائط المطبخ أو أدوات الحمام.
5. خلِّي بالك علشان تحصلي على طباعة سليمة لازم تكون إيدك ثابتة
بمعنى إنك تضغطي بثبات في المكان اللي عايزة تطبعي عليه
ولو كنتِ خايفة أو مش واثقة من قدرتك على الطباعة
فمن الممكن إنك تتدربي شوية على أي ورقة
لغاية ما تتأكدي من قدرتك على الطباعة.
6. بعد ما تقومي بالطباعة ممكن تضيفي لمسة أخيرة للشكل،
وده بإنك تملي الفراغات اللي في ورقة الشجر بضربات خفيفة وسريعة بالفرشاة
بلون مختلف في الفراغات دي وده هيدِّي شكل طبيعي لورق الشجر المطبوع.
7. من الممكن إنك تستغلي الطريقة دي في الطبع بأشكال مختلفة
سواء على الحوائط أو على طقم الحمام أو حتى الستاير والفوط.
أتمنى انكم تجربوها ومنتظرة النتيجة
تحياتى لكم
تعليق