لو سمحتم انا عندي مشكلة ومحتاجة حد يساعدني ضروري انا بنت عندي 22سنة مخطوبة من 3شهور قبل ما اتخطب عرفت جاري ومنه لله حسبي الله ونعم الوكيل كان بتسلى بيا وطلع عليا كلام وحش بس انا استاهل انا عملت حاجات كتير غلط بس انا توبت الحمدلله ودعيت ربنا كتير يكرمني واتخطب وفعلا اتخطبت بس انا داوقتي فمشكلة كبيرة انا ساكنة فمنطقة شعبية والكلام عليا كتير انتي اكيد فهماني وخطيبي ساكن معايا فنفس الشارع هو لسه ساكن جديد يعني ملهوش علاقة بحد خالص والشقة ال حيتجوز فيها تحتية وهو لما خطبني مسالش عني او ممكن يكون سال بس معرفش الحمد لله حاجه بس هو مفيش حاجه بتستخبى وانا طبعا حابسة نفسي فالبيت مش بخرج خالص والخوف حيموتني انا مش بنام خايفة انة يعرف حاجة وحشة عني ويسبني واتفضح قدام بابا وماما ولو كملت وربنا سترها معايا لما يتجوزني ويمشي معايا والشباب ينادوا على اسمي قدامة اويقولوا حاجة وحشة عني حعمل ايه انا تعبانة وخايفة واعصابي تعبانة من كتر الخوف ايدي بتترعش جامد خالص خايفة يجيلي مرض فيها والله مهما حلفت انا بندم على كل حاجة غلط عملتها وياريت حد يساعدني ارجوكم وادعولي ربنا يسترني ويسامحني