السلام عليكم

انا موب عارفه وشلون ابدا بالمشكله
لاكن انا مشكلتي عاطفيه واتمنى تتعاطفون معي
وتتفهمون وضعي مع هذا الشخص

انا حبيت شخص لمده سنه ونص كنت احبه كثييير لدرجه كبيره نقعد مع بعض يمكن 9 ساعات نتكلم
سواليفنا باشياء كثير احب هذا الشخص بكل شي فيه بعيوبه وومميزاته

لاكن عيبه عصبي كثثثير واحيانن يجرحني بالكلام ويعلي صوته واخاف وهذا عيب اكرهه فيه لاكن اتحمل
وغير كذا عيبه انه احيانن اكتشف اشياء مخبيها علي "مثل وحده كانت تحبه" ولا قالي او بنت عمه ترسله رسايل وهو مسوي انه متقبل ذي البنت عشان مايجرحها لانه تقرب له....
عموما اشياء لاتغتفر

ولا كن فيه مره تشادينا بالكلام عشان قريبته وتهاوشنا..وقتها كان يقولي اني مقصره معه مع اني والله العالم حاطته بعيوني لاكن مدري وش شايف فيني متغير..!

وتشادينا بالكلام لين ماقال كلام مرررررره يجرح بعدها قالي خلاص الي بينا انتهى..
انا وقتها قلت هو قال يتحمل وتركته مع ان من كثر ماحبه كنت اشوف وش يكتب في الايميل واحيانن اسئل عنه
تفرقنا شهرين مدري اذا خيره ولالا بس اكتشفت انه الي يحب مايسوي كذا وكرهت شي اسمه حب
وصرت متعقده من الرجال وحلفت مانزل دمعه عشانه

بعدها جاني واعتذر وقالي انه بيغير كل شي عطاني رقم بيتهم جوالات اهله كللل شي ..
وقبلت اعتذاره لانه قال بيعيشني سعيده..

بعدها باربع ايام.../شفت محاظره دينيه عن الحب واكتشفت انه من ترك شيء لوجه الله عوضه الله خيراً منه
كنت ابي اترك من ربي اكثر ومن اهلي اكثر...ماكون مطووووعه مره بس على الاقل اضعف الايمان اترك اشياء لوجه الله.. قلت لو بخليه ربي بيعوضني وبيصبرني..
فاتحته بالموضوع وقلت له انا مستحيل ارجع زي اول لانك جرحتني ومنب متحمله استقبل اي جروح جديده ولا مستعده اتحمل ماضي لك يعني تطلع لك بنت كنت تعرفها قبلي او شي..
ضاق صدره وقال انه مستعد يسوي اي شي عشاني وقالي يبيني يكمل
قلت لو ربي كاتب لنا انه نكون مع بعض ربي بيجمعنا بالحلال ان شاء الله ..ولك مني انتظرك لو بعد 5 سنين على بال ماتضبط امورك وتجي تتقدم لي..طبعا ماتقبل ولا اقتنع لاكن قلت له اني مقتنعه بهالكلام....

لاكن الله العالم اني انهرت صياح يوم قلت بفارقه منب متحمله حياتي بدونه ومدري وش بسوي
وشلون املي وقت فراغي بدونه اسئله كثير ه وخايفه يتغير علي قبل خمس سنين خايفه لو برجع له القاه حب غيري
وهو خايف يقول يمكن ماترجعين زي مانتي الحين يتغير تفكيرك وتكونين وحده ثانيه...

ساعدوني انا عارفه الي اسويه صح لاكن وشلون اتغلب على المشاعر الي مقلقتني...


ارجو الرد