سلام عليكم..

عدت إليكم مرة ثانية .. ولاكن استحملووني

آممم..

أنا جيت هنا أشكيلكم عن حالي..

والله إني تعبااانة نفسياا..

من أشيااء واايد

أولها : شخصيتي .. أحس شخصيتي ضعيفة ومن السهولة حد يقدر يستغلني .. لاكن أنا ف نفس الوقت جريئة .. يعني أقدر أواجه الي يغلط بحقي .. و أقعد ألوم وأعاتب .. لاكن ف نفس الوقت أقوول لا أنا شخصية ضعيفة وطول عمري بتم كذا .. لأن مرة بنت عمي قالتلي انتي ما تقدرين تاخذين حقج .. وإختي الي تكبرني بعد تقولي نفس الكلام.. وصراحة لما أحاول آخد حقي يجيني احساس إني ماقدر أنصف نفسي أبد..
و يوم أضارب مع أي حد في البيت يطلعوني أنا الغلطاانة .. أختي الأصغر مني ب 3 سنوات يقوولون عني إني أخاف منهاا .. مع إني أنا أضارب وياها يوم تقل أدبها علي .. بس أحس إن أهلي يحترمونها أكثر مني .. لأنها طويلة لساان .. وبعد هي مرة قاالت حق أختي الكبيرة إنه أنا أخاف منها
وقالتلها بعد اني أنا قلتلها تكلمي معي بأسلوب حلو قدام الناس.. وفعلا أنا قلت لإختي الأصغر مني إنها تستخدم معايه أسلوب حلو قدام الناس ... عشان أنا ما أضطر أقل أدبي وأضارب معاها قدام الناس وبعديين يقولون احن مو مربيين ..
ف أختي الكبيرة خذت السالفة وفهمتها بشكل ثاني .. على إني أناا خوافة و قلت لإختي الأصغر مني إنها تتكلم معي بأسلوب حلو عشان أنا ماأقدر أسكتها .. مع إني سمعتهم يتكلمون عني كذا لاكن سكت .. والله هاي اكبر مشكلة مسوتلي اكتئااب .. لإني أحس نفسي وحدة محد يحبني ولاحد يحترمني .. وكمان يوم أسمع حد يقولي تخافين من أختك الي أصغر منك!! .. مع إني أبد ماخاف

ومرة قالي اياها عمي ( تخافين من أختك ) .. ف أنا تميت ساكتة عشان ما أقل أدبي على عمي .. بس قلتله أنا ماخاف..

ياربي والله حرااام .. كيف أواجه هذيل الناس ..؟ وأبيض صورتي قدامهم..وأبينلهم إني إنسانة لها شخصيتها.. وأخلي أختي الأصغر مني تحترمني من دون ما أكلمها ؟؟؟

آممم .. الشي الثاني الي متعبني نفسيا: إني صرت ماعرف أكون صداقات في المدرسة
.. أصللن أنا ماحب مدرستي الي أنا فيها ويمكن ها السبب ..
صرت أحب أقعد مع نفسي .. ومرات أقوول محد يحبني ف بقعد مع نفسي أحسن .. وأحس محد معبرني عسب كذا تزيد كئابتي كل يوم

و صرت قليلة الكلام .. ما أتكلم وايد .. حتى يوم أتمشى مع بنية أتم ساكتة .. ف بعدين هي تقولي انتي ليش مب اجتماعية وما ترمسين؟؟!

ماعرف شو استوالي بالظبط .. زمان كنت غير .. كنت أحب أكون صداقات .. ودايمن مبسووطة وأتكلم .. وإجتماعية لاكن الحين غير..

وصرت ماحب أسير المدرسة عشان هالشي .. ومرة رديت من المدرسة تعباانة وقرفاانة .. ف لقيت أختي الأصغر مني .. وسألتني ليش مضايقة (( للعلم هي تحبني بس يوم تضارب ويااي تتغير )) وهي قالتلي بلسانها انها تحبني .. المهم .. ف قلتلها السالفة إني ما صار عندي صديقات في السكول ..

ف يوم تضاربت وياها راحت قاالت لأختي الكبيرة اني انا ما عندي صديقات في المدرسة .. و إني أحقد عليها عشان هي عندها صديقات وأنا لا..
صراحة يوم سمعت كذا انقهرت وماعرفت شو أسوي .. على طول صحت وانقلب حالي.. بس رحت صارخت فيها .. وحلفت يمين اني ما اقولها شي..

يعني الي في البيت كلهم .. خذو عني فكرتين .. الأولى : إني خواافة ..
الثانية : إني وحدة ما عندها صديقات .. وضعيفة .. وكل ها بسبب أختي الصغيرة .. كرهتها من قلب والله .. وصرت أحقد عليهااا واايد .. ومرات تجيني أفكاار اني اتخلص منهااا ومن قرفهاااا ...
وللعلم اني زماان كنت خوافة فعلن .. وكانت شخصيتي مرة ضعيفة .. لاكن من يوم ما دشيت الثانوية تعدل حالي وصارت شخصيتي متوسطة لاهي ضعيفة ولا هي قوية ..


بس والله والله أمنيتي الوحييدة في الحيااة .. إني أكوون وحدة إلها شخصية والكل محترمهااا ..
ومحد يقل أدبه علي .. وأكون صداقات نفس أول ..

وياااااارب ألاقي عندكم الحل ...

أنا لجئت إليكم انتو وبس .. ويارب تفيدوني ..

أدري ان الكلام ملخبط والحالة حالة .. المهم أريد الحــل ف أسرع وقت .. !!