السلام عليكم ورحمة الله وبركاته
قال لها زوجها والله ماتذوقين العشاء؟؟..... تعالوا نعرف وش صار
في وحدة معزومة على العشاء ويوم الزواج قامت الحرمة وتروشت وتنظفت وسرحت شعرها أحلى تسريحة وسوت مكياج حلو ومرتب ولبست أحلى فساتينها وتعطرت وتبخرت
، وبعد ما خلصت اتصلت في زوجها وقالت له
انها خلصت، قاله زوجها: دقايق واكون عندك شوي وأثاري زوجها قدامها..
الرجال يوم شافها أعجبته لان المسكين مايحصل يشوفها مرتبة إلا في المناسبات المهم طلبها زوجها تترك الزواج، وتجلس معه ،،،وقالها ابغى أخليها أحلى ليلة، وراح أعوضك من الزواج...
قالها اجلسي معي وننبسط ونسهر ونجيب عشاء من المطعم،،،،الزوجة وافقت..
قالها زوجها
أبغى أروح اجيب عشاء علشان نتعشى/
وراح الرجال مستعجل ، وجاب العشاء ودخل بيته وش شاف قدامه؟....
الحرمة فاصخة فستانها ولابسة قميص قطن من حقات البيت، وغاسلة المكياج،وفاكة التسريحة، وحاطة في شعرها زيت ورابطته .الرجال عصب وقالها ليش غيرتي ملابسك وليش سويتي في نفسك كذا؟؟؟
قالت الفستان ضايقني مرة وانحشرت منه ، وغسلت المكياج ماله داعي، وزيت شعري عقب الرغوة والاستشوار،
تصدق توني أحس اني في راحة يوم لبست ها القميص؟
قال الرجال:كذا هاه ،، الزينة بس للناس وانا زوجك ماتهتمين لي وقال: والله ماتذوقين العشاء والحين تقومين قدامي للزواج، وتدخلين عليهم كذا وانتي في شكلك هذا والا ماراح تجلسين الليلة في البيت ،حاولت فيه الحرمة ماقدرت عليه،
وهو كمان قد حلف،،،
وفي النهاية مالها حيلة قامت ولبست عبايتها ودخلت في الزواج كأنها شحاته، وتركها إلين اّّخر الليل عشان تستمتع مزبوط
وكل اللي في العرس شافوها ،،،،،،(طبعاً هي جلست في عبايتها مافصختها)
لكن لو كنت مكانها اش بتسوي؟.
لكن السالفة مضحكة للغايه
تعليق