موت العاشق المغرم وهو ينطر يشوف مناه
يموت ولا لقا خل(ن) حياة الهم يبعدها

لكن الصاحب الغالي عسى كل العرب تفداه
مادامه أهو جنبي حياتي وش ينكدها





ماأغليت قبلك "لا" ولابعدك أغليت
طفل وعلى حبك أنا انولدت وتربيت





ياقلب بسك من الدقات في صدري
مالك ومال الحب خلك براحاتك

الورد غيرك يقطفه لوكنت به حذري
وش فايده تسقيه من فيض عبراتك





ماجيتكم برضاي ولاجيت مغصوب
الشوق سحبني على كيف كيفك






طالت الغيبات يالغالي علينا
وان تحريتك فهذا من غلاك

لو يطول البعد ماوالله سلينا
المشاعر همها لحظة لقاك

ياكريم النفس مثلك مالقينا
لك معزه زادها عندي وفاك






كفيت ووفيت يالغالي بتعذيبك
ماجيت بقصور في جرحك على أحبابك






الليالي مدت كفوووف الهدايا
كف جرح وكف مايرحم خويه

تدري الأيام في بعدك سوت بي سوايا
تنثر الآهات بعيووني هديه

وكان حبك عيب ياحلو الخطايا
إيه احبك وارتفع قدر الخطيه






تخيل لاذكرتك وأنا جالس وصدري ضاق
خيالك يفرج الكربه أجل وشلون بحضورك؟؟






هاك العمر اللي مضالي بدنياك
كانك نويت تخون قلب يصونك

لا ماهمني قلب يبيك وتمناك
جعله يموت ولايرد لعيونك






ياويل قلبي كل ماقلت بنساااااااك
يقول تكفى راحتي في وصااااله







اجمع أحزانك وهمك والعتاب
وهلها وسط صدري هلها

لاتخاف من الملامه والعتاب
دام أنا راضي سيوفك سلها

فدوتك روح تحبك ماتهاب
تتجه للموت لوتأشر لها

تمشي بشورك ولوهو خراب
لعنبو روح تعاند خلها





في شمال الأرض وانت بالجنوب
بيننا ليل ومسافات وصراع
جيت لك والموج يلعب ف كل صوب
ومن رداة الحظ كسرت الشراع
علمتني بسمتك وشلون أذوب
وعلمتني غيبتك كيف الضياع