صباح يوم مدرسي؟؟؟؟؟؟؟؟؟
كل صباح يتكرر نفس المشهد وتعاد نفس الأحداث التي تكدر علي فراغي ( بالحيليالموضفة)
الأم : أسماء ياللا المدرسة ترى والله مانيب راقية اقومتس مرة ثانيةقصرت, إن قمتي وإلا بالطقاق ( دائما تقول نفس الكلام وترجع تقومها ثاني مرة )
وأنت يا مها قومي جعلتس الصلاح والله طفشتوني جعلكن العرس العجل
مها :خلااااااص يمه قمت قمت
الأم :إيه لوها الصلاة ما قمتي الله يهديتس غصب عنتس ,, وانت ياهنوفتي قومي يا أمي عشان يمديك تفطرين ياللا حبيبيتي
الله لا يحرمني (لاحظوا الفرق عشان الهنوف هي القعدة = آخر العنقود )
أسماء بعد ما غسلت وجههاوفرشت اسنانها وقبل الفطور تلبس المريول بس فيها حيل للشحاذة وذب الوجة
احم احممها أعواد الشعر حقتك مره شيك ذوقك مره حلو (تقردنها ) أبي ألبسها طيب ؟
مها :بالله ؟!!!! رددي ياليل ما اطولك والله آسفة أخاف تكسرينها مثل ما كسرت أنا حقتنورة
(ياقوي وجهها تعترف )
أسماء : لاتخافين إن انكسرت اعطيك 50 ريال ريال ينطح ريال
( أيوهيالكاش )|11|
مها وإن خذتها مساعدتكم هالقشرا؟؟
أسماء : بدريعليها حبيبتيأنا مو صغيرة تراني بثالث ثانوي (إيوه يالكبيرة)
مها: _بدون نفس _ طيب طيب خذيهابس اليوم إذا رحنا بيت عمي بألبس جزمتك البنية
أسماء تفكر : أمممممم خلاص بينهاوبين نفسها والله وهقة
الهنوف :مهيوه وين شرابي القصير ..إيه الكحلي
مها : وش دراني بعد قولي انا لابسته |323|
تصرخ الهنوف وهي على وشك البكاء_ دائما هذاحالها تخنقها العبرة وتسوي نفسها كبيرةما تصيح_ :يمه وين شرابي
الأم :الظاهرأمس لابسته نورة
الهنوف : ميري وصمخ وين شراب أنا هذا صكير
ميري :مافي إإرفهذا نورة أمس فيه إلبس بس أنا مافي كسيل
(غسيل )
الهنوف :يووووه منها بس دايم تآخذاغراضي وانا لازم اقدم معروض عشان آخذ منها شئ
صدق إنها رفلة حتى الشراب ماتغسله
تنزل نورة مواصلة من أمس وهي تتثاوب تبي تكمل السهرة عند الفيديو أو النت
نورة وهي مقطبة حواجبها
: وشو هنوف وش تقولين ؟الهنوف: هاااااه .. لا.. آ آ بس ولا شئ كنت أبي شرابي بس خلاص مو مشكلة موب لازم أصلا.. بألبس صندل (جعلخوفنا من الله ).
أسماء : بنات يووه بسرررعه تأخرت,, على فصلي الإذاعة
ثمياويلنا من أم عيون التلفزيون الملون _ سبب العيارة لأنها ملابسها دايم ملونة _
وأخيرا يطلعون ويخلوا البيت على نورة وتتحمل مسؤلية إيقاظ أصحاب الجامعةمن إخوتها
وكأن هذه وظيفتها الوحيدة في هذا المنزل الذي يعج بالسكاااان لاحرمها الله إياهم
تعليق