نشأ وترعرع هذا العملاق في حواري الخبر في الملاعب الترابيه هناك والتي تشهد له بتوقيع اقدامه وخطواتها الواثقه في بداية مسيرته الرياضيه قبل ان يصبح جهبذا كبيرا ولاعبا يشار له بالبنين (البنان)

حينما سئل هذا العملاق عن قصة بداياته اشار الى انه كان يأتي من المدرسه ويرمي بالكتب جانبا ويذهب ويسرق بوت اخيه الذي يكبره ومن ثم يأخذ الكوره التي كسبها من تجميعه لااغطية حليب النيدو ويذهب الى الملعب الترابي الذي يقع في حارتهم ويوجد هناك فيلا تبنأ ويقوم بتجميع العمال فيها ويقعد يشوت عليهم وكل ما جاب قول على هندي جرب على الثاني وهكذا كل يوم الى ان اصبح ذو قدم صاروخيه وكله بفضل كومار وشيريحان وبابو

قصة احترافه للكره

كنت في ذاك اليوم ساحب كومار وقاعد اشوت عليه وكان بالصدفه فيه موكب سيارات واللي حصل ان الموكب هذا كان فيه القيصر الالماني(بيكنباور) تعرفون كان جاي للسعوديه علشان حملة المانيا لتنظيم كاس العالم 2006 وفجأة شافني وانا اشوت كوره صاروخيه على كومار من نص الملعب وطبعا كالعاده شبكت الكوره بالجووول هي وكومار

صرخ بيكنباور صرخه يمكن يتذكرونها اهل الخبر وقال للسواق (STOP) وسأل عبدالله الدبل وقال له منهو هاللاعب قال له عبدالله الدبل هذا واحد من حقون الحواري صرخ بيكنباور في وجه عبدالله وقال له كيف لهذه الموهبه ان تدفن في ازقة وتراب الخبر

وقفوا السياره وقعدوا يتفرجون علي ويوم شفتهم يتفرجون ناديت على العمال كلهم وقعدة استعرض مهاراتي امام هذا الموكب وقعدة اناور واعدي واحاور وارقص في العمال وما كنت اسمع الا اصوات الجماهير بيكنباور وعبدالله والموكب اللي معهم يصرخون باعلى صوت (مصرقع...مصرقع ..هوووه هووووووووه )

وقفت وجيت ناحيتهم وقلت خير ياشباب وش عندكم تتفرجون علينا

سألني بيكنباور انت محترف في اي نادي قلت له انا محترف في (صف ثاني ب) عاد قعد عبدالله الدبل يضيع السالفه وانحرج

قال انا سمعت العمال ينادونك مصرقع وعجبني اسمك قلت ياهلا حياك الله الا انت مين عاد علمني عن نفسه وعرفت انه قيصر الكره ورحت اركض واجيب الكوره حقتي حقت النيدوا وقلت لو سمحت يا بيكنباور ممكن توقع قال بكل سرور ووقع لي القيصر وخليت عبدالله الدبل يوقع بعد وحتى السواق خليته يوقع

المهم سألني بيكنباور وقال وش رايك تحترف عندنا في المانيا في فريق بايرن ميونخ انت لاعب ذو امكانيات عاليه وممكن نستفيد منك لانك موهبه حقيقيه (منت بعاقل يا جرينيشيا السعوديه) قلت خلاص تم بس عطوني مهله خلوني اشاور مدرس الرياضه

اخر بيكنباور رحلته وعمل مؤتمر صحفي بانه اكتشف لاعب موهوب في الخبر في السعوديه وانه بصدد تجهيز العقود وتوقيعها معه وانتشر الخبر كماتنتشر النار في الهشيم وذكرت الخبر وكالة الانباء الالمانيه وجميع وكالات الانباء حتى ان اخوي كان يتابع برنامج (مالك الا هيفاء) وقطعوا عليه البرنامج واعلنوا عن الخبر وبأن بيكنباور ترك الحمله وتفرغ لمحاولة كسب هذا اللاعب الموهوب

وانواع الازعاج في البيت تلفون من اسبانيا وممثل برشلونه يحاول ايقاف الصفقه ومحاولة تحويلها الى اسبانيا ومندوب مانشستر يونايتد اللي حضر خصيصا للسعوديه بسرعة البرق بال DHL ومندوب نادي جوفنتوس

واتصلت علينا شركات الدعايه والاعلان كل شركه تريد توقيع عقد طويل الاجل معي وخط التلفون حق بيتنا اصبح مشغول طول اليوم وكان اللي يرد عليهم مدير اعمالي اخوي(الدحمي)

وامي تصيح تقول ما نبيك تروح يا مصرقع يا ولدي ولا نصبر عليك وانت توك صغير على الغربه وانا ابكي معها واقول يا يمه هذا مستقبلي(امحق مستقبل ) ولا توفقون حجر عثر في طريقي

المهم اقتنعت في النهايه بالتوقيع مع مندوب مانشستر يونايتد لانهم دفعوا فلوس اكثر حتى بيكنباور سووو مؤتمر صحفي ثاني وبكى وابكى الحضور معه لانه هو اللي اكتشفني وطرت من بين يديه الى نادي ثاني وبلد ثاني وقبل التوقيع مع مانشستر كان لي شروط

1- تركنون بيكهام احتياط وانا العب اساسي ووافقوا

2- انا ما اقل عن بيكهام لازم راتبي اعلى من راتبه وياليت يكون باليورو ووافقوا

3- بيكهام متزوج من وحده من فتاة التوابل وفيه ثلاثه غيرها ولازم تخطبون لي وحده منهم ووافقوا

4- فيلا في 10 دوانج ستريت ووافقوا

5- تحطون علي حراسه لاني ما ابي الببارتزي(المصورين) يلاحقوني ويطلعون اموري الشخصيه ووافقوا

6- تشترون لي طياره فوكر استخدمها انا ومدير اعمالي الدحمي ووافقوا

وكان شرطهم اني اكون جاهز لياقيا واظهر امكاناتي كلها في خدمة مانشستر يونايتد ووافقت

حطوا العقود ولما جيت اوقع فجأة

رجف ابوي الباب وقال ورى ما تقوم وتصلي يالسمرمدي ذبحك النوم وحتى وانت تحلم رافع رجلك ويدك يا ماجد عبدالله قم قامت قيامتك

واطالع في ابوي وانا اقوله الله يهداك يا يبه ورى ما خليتني اكمل حلمي واوقع العقد وبعدين قومني