2

المهم رحت للبيت وضبطت عفشي وقعدة اجمع من هالفنايل ورحت تسلفت من ربعي كل شئ واشتريت الناقص وجهزت نفسي ومريت على السفريات قالوا سوينا لك حجزين حجز الفجر اليوم وحجز بكرا قلت خير البر عاجله(يحسبه رايح يخطب) وعطيتهم قروشهم وخذيت التذاكر ورحت للبيت وودعتهم قلت لهم زي ربوعنا انا رايح للامارات كخخخخخ ورحت للمطار وما استاسع صدري الا لما سمعت موظف الكاونتر يقول على جميع المسافرين المتوجهين على رحلة السعوديه الى روما سرعة التوجه لاانهاء اجراءات سفرهم رحت اركض ركيض للصاله الداخليه ووقفت قدام العسكري اللي يختم على الجوازات ونقعني قلت يا ابو الشباب خلصني قال انثبر اسمك مشتبه فيه افااااااااااا ليه وش انا مسوي قال ما ادري خلنا نشوف واقعد انتفض التفت علي وقال علامك خائف قلت لا ابد مافيه شئ لكن عادتا تشتبهون في مين قال بتجار المخدرات المهربين اصحاب السوابق قلت الحمدلله مانيب منهم قعد يضحك وقال اخاف تصير من الربع اللي ما بعد سددوا فواتير جوالتهم يحسبون انهم منسيين قلت افااااااا قعدتم تتصيدونهم قال ايه فرصه نتصيدهم وقت الصيف والسفر ونجبرهم على الدفع(طالعت فيه وقلت منت بعاقل يا موظف الاتصالات)(يالله يا شركة الاتصالات عطيتكم خطه تتصيدون فيها الربع كخخخخخخخ) المهم طلع الكمبيوتر النتيجه وانا قاعد على اعصابي والتفت علي العسكري وقال مبروووك نجحت وانا اللي انقز بحظنه وانا ابوس جبهته تقولون مطلعينه عفو من السجن بمكرمه علشان رمضان واخذ جوازي واروح اركب الطياره وما ارتحت الين ما اقلعت الطياره حسيت بالراحه النفسيه وانا اللي اجدع راسي على الدريشه وانظر لاارض الوطن وتنهمر دموعي شوقا وولها لبلدي وموطني واقعد ابكي والعالم تناظرني والتفت علي اللي بجنبي وقال لي وشفيك واطالع فيه والدموع بتطلع من عيني مدرارا مدرار واقعد اغني (يا بلادي واصلي والله معاكي واصلي واحنا وراكي واصلي والله يحميك يحميك بلاد العالمين بلاد العالمين) ويقوم ويصفقني بمجلة اهلا وسهلا بكم اللي بالطياره عاد ثقيله الله من زينها مجله تحوم الكبد(انتم تسمعون يالخطوط مجلتكم تحوم التسبد) وانا اللي اتلايط على الكرسي وانسدح وانام باستغراق(لا حظوا هالكلمه استغراق تدل على ثقافه عاليه ووعي بالحدث)

نمت لي ساعتين وكل شوي افتح عيني على اصوات صادره من الكرسي اللي قدامي وارجع اغمض عيوني ماش ما ارتحت من الاصوات بدا الفار يلعب في عبي وانا اللي اقوم واطالع والقى ايطاليه وايطالي متخاممين وطايحين بوس في بعض وانا اللي ادخل راسي بينهم واقول احييييييييييييه وين حنا فيه ياللي ما تستحون على دم وجيهكم قعد يخربطون علي بالايطالي وشوي جاء مسئول المضيفين وقال لي وش فيك قلت شف المسخره اللي يسوونها قال لي وانت وش دخل اهلك قلت هالشئ عيب قال تلايط على كرسيك وحذفني ببطانيه وقال نم واترك العالم بحالها قلت لا ياللي ما تستحي على دم وجهك قال لي ان ما عقلت سلمناك لاامن الطائره وبنسلمك للشرطه الايطاليه يوم سمعت طاري الشرطه وانا اللي ارتجف لان تجيني ام الركب وتطلع انزيمات الخوف من الغده الدرقيه وتنطلق ناحية الدماغ اللي تجيه حالة انكشاح غريبه ويصاب بالارتهال وانا اللي اقعد بسيتي وكل ما سمعت صوت رجفتهم برجولي ابخرب عليهم جوهم هالسمرمد واناظر بالشايب اللي بجنبي قلت ورى ما تطس وتخلي وحده تقعد بدالك اقل ما فيها الواحد يسوي نفسه انه بينام وكل شوي يميل كخخخخخخخخ اهو نتسلى مثل غيرنا ونخلي اللي ورانا يرجفنا برجوله كخخخخخ

كملت نومتي شوي الا اسمع اصوات غريبه وصراخ وعويل وطلقات فشق كخخخخخ وانا اللي اقوم الا ثلاث ملثمين واحد في اول الطائره وواحد داخل غرفة الكابتن والثالث يتمشى وهو يقول اي حركه مقاومه بنقتل وبنذبح وبنفجر وانا اللي تجيني حالتي واقول وش ذا الحظ وانا اللي ارجف اللي قدامي قلت شفتم انتم مبسطين من الصبح وانا اللي ماكل تراب واخرتها بنروح طعام جحوش ويطالع فيني اللي هو زعيمهم وقال سكر حلقك لا احذفك من باب الطياره قلت حنا وين الان قال حنا فوق سويسرا قلت احذفني يامال الغنيمه وخلني اموت فوق جبال الالب(مدرس جغرافيا) قال مالك امل كان تبينا نحذفك بنحذفك فوق ليبيا وانا اللي اضحك وهو يضحك معي واقوم قال وين تبي قلت ابروح لدورة المياة وهو اللي يطلع بازوكا وقال لي اقعد بمحلك ضحكنا معك فليت حجاجك اقعد لا افجرك هههههههه (ما ناقصهم الا دبابه تي 52) هالمختطفين ما خلوا شئ

ونقعد بالطياره حالتنا رعب في رعب وشوي الا زعيم المختطفين جاي وقال يا جماعة الربع حنا مضطرين نقتل واحد من الركاب علشان ينفذون مطالبنا وطالع فيني وقال انت قلت لا يا بعدي شف غيري قال لا انت حدد من نقتل لانك ضحكتني من شوي وانا اللي تاخذني العزه بنفسي ويشتغل عندي انزيم الشجاعه واطالع فيه والركاب كلن حاط يده على قلبه خايفين من الموت وقلت ما اطال النوم عمرا ولا قصر بالاعمار طول السهر(وش دخل ام هالبيت في الموضوع) واكملت حديثي وانا اقول حرام عليكم يا جماعه تحطوني في هالاختبار الصعب وتخلوني اضحي بانسان برئ كل ذنبه انه ركب طياره حرام عليكم وانا اللي ابكي ويبكي الركاب وبكاء زعيم العصابه وانا اللي اقوم واخذ الياقه حقت الايطالي اللي قدامي واعطيها للزعيم علشان يمش خشمه فيها وقال يا مصرقع لا تحطنا قدام خيارات صعبه لابد ان ادخل بكي قصدي لابد ان نقتل واحدا من الركاب قلت تابي الرجوله ان اضحي باناس ابرياء فلتاخذوني ككبش فداء ننهي به هذه المسأله واني لعمري لمضحي بنفسي من اجل هذه الوجيه الطيبه (صاير جبير ولد الحارث بن عباده على غفله) واسمع تصفيق الركاب وتصفيرهم وهم يقولون مصرقع مصرقع هووووه هوووووه مصرقع مصرقع هوووووووووه هوووووووووووه وانا اللي اشير لهم بعلامة النصر هههههه

قال لي زعيم المختطفين يا مصرقع تراك اول ضحيه والربع كلهم بيفنقشون عقبك قلت افاااااا يعني الجميع بيروحون في خرائطها قال ايه قلت وجع خلاص دامكم تبون واحد جاهز الان شف هالشايب اللي بجنبي اقل مافيها شبع من الدنيا قام وسحبه فتحوا باب الطياره وحذفوه وحنا فوق ارض مطار روما وبدأ الرعب من جديد يكتنف الركاب لان هالمختطفين ذبحت الادمي مثل ذبحت الدجاجه وبدت السلطات الايطاليه تمون الطائره بالاكل والشرب وما شابه والمناديل علشان البكاء كخخخخخخخ وطالت الدعوه واصبح المختطفين في حاله يرثى لها وحنا في حالة اشد منهم وانا اللي افكر واتذكر حركاتي في مقاتلة البرصي وقلت ليه ما استخدمها مع هالجحلط وخصوصا واني تاثرت كثيرا بحالة الاطفال والحريم وصياحهم ومعاملة الخاطفين القاسيه لهم (منت بعاقل يا فان دام الصبيخه) وانا اللي افكر وش الطريقه علشان اشل حركتهم(لا حظوا كلمة اشل ماهو اي واحد يجيبها في سياق الموضوع) (لا حظوا كلمة في سياق الموضوع ماهو اي مثقف يجيبها بعد)

فكرت وفكرت(الله من زين التفكير عاد) وانا اللي احسبها بمخي قلت يا مصرقع انت مقتول مقتول غامر وان شاء الله ان ربي بيكون معي اهم شئ اني اتعامل معهم مثل ما كنت اتعامل مع البرصي اللي متقاط معي بالغرفه

هم عددهم ثلاثه واحد مسكر عليه في غرفة الكابتن وما فيه الا اثنين وانا اللي اقرر اني ابدا باللي باول السيب وزعيمهم اللي باخر السيب اخليه بعده

قلت يا ولد يا اهل البيت جاني الزعيم وقال وش تبي يا حقنه تبي تموت قلت لا ابموت اذا ما رحت للحمام قال رح طس قلت له تيب وانا اللي ادخل للحمام والشرر يتطاير من بين خشمي قصدي عيني وادخل للحمام بيت الراحه وافك بزبوز الماء(شايفه في فيلم امريكي) واطلع لي حديده سميكه واطلع من الحمام وانصا اول المختطفين وتشوفني وحده من المضيفات قالت مسرئع قلت لبيه قالت انت بطلنا اللي تبي تخلصنا والدموع تنهمر من عينيها قلت انتي حبيتيني يا بنت قالت مسركع كان يمشي كان يمشي فوق رمشي اقتلوه بهدواء وانا اعطيه نعشي قلت وجععععع تتفاولين علي قلت سر وعين الله ترعاك وانا اللي يعطيني كلامه دافع تقول فور ول درايف وانا اللي اعطي الاول على جبهته ويخر صريعا والدماء تنزف من جبهته وانا اللي يغمى علي من الروعه لاني انسان مسالم ما احب اشوف الدم(يا حيااااااااتي) وتركض المضيفه وتجيب المناديل اللي يوزعونها بالدرجه الاولى وتشممني اياها قالت ماهو وقته يالخبل شف شغلك وانا اللي اخذ الرشاش من اللي ذبحته واحطه ورى ظهري وارجع اقعد على السيت بانتظار الهدف الثاني والمضيفه ما قصرت معي سحبت جثة الاول ورمتها بالحمام ويوم شفت الثاني وانا اطلع الرشاش واقوله استسلم وانبطح قال ابستسلم بس انبطح عيب عليك يا مسرقع قلت انبطح لا ارشك وقام وانبطح وربطناه ويقومون الركاب ويشيلوني على الاعناق وهم فرحين واقوم واخطب فيهم وانا اقولهم اقعدوا ايها العالم في اسياتكم باقي واحد نتخلص منه وانا اللي اروح وانصا غرفة الكابتن واخلي المضيفه تطق الباب قام ورد الشري وقال وش تبين قالت انا جايبه لك كوفي قام وفتح الباب وانا اللي اعطيه على جبهته بالرشاش ويطيح مغمى عليه ونربطه ونفتح باب الطياره للامن الايطالي ويجون ويدخلون ويعرفون بالقصه وتجي محطات التلفزيون الايطاليه وتسوي معي مقابلات ويجيني رئيس وزراء ايطالي بيرلسكوني ويصور معي وقال وش رائيك يا مصرقع تحترف عندنا في ايه سي ميلان كخخخخخخ لانه هو اللي يملك النادي قلت لا ما اقدر العمل عندنا ما يعطيني خطاب عدم ممانعه ويكرموني وصرت بين يوم وليله اشهر شخص في ايطاليا حتى زعماء المافيا في ايطاليا ارسلوا لي مندوبينهم علشان يصورون معي وقلت ما عندي وقت وصرت حديث الناس هناك ببطولتي وتضحيتي وفكي لاازمة الرهائن وسويت اللي ما قدروا عليه الكومندوز وذبحوني بالفندق ما خذيت راحت لا من الصحافه ولا من محطات التلفزه(لا حظوا هالكلمه تدل على ايضا على الثقافه) فقررت اني ارجع بعد يومين من قعدتي في ايطاليا لاني ما ارتحت الشهره ذبحتني صرت انا وباتستوتا وباجيو وبافاروتي مثل بعض ويوم رجعت لديرتي توقعت ان احد درى بهالسالفه وبيستقبلوني استقبال شعبي وحافل ومميز لان ولدهم اصبح بطل قومي في ايطاليا
The End

يامصرقع خخخخخخخخخخخ
صراحه تقطّعت من الضحك ههههههههههههه
لووووووووووول
يعطيك العافيه ..... أجل يبونك محترف هناك خخخخخخخخخ
عموما تسلم وقصتك هذي رهيبه وتقطع من الضحك

الاخ جلال الخالدي المحترم\

الله يسلمك و يطول بعمرك يالغالي

.

_______________________________________


الـسـلام عـلـيـكـم ورحـمـه الـلـه وبـركـاتـه

اخـي mo9arqa3 الـمـحـتـرم

تـصـرقـعـت جـبـهـتـي وانـا اهـوجـس بـالـطـيـاره ومـن شـبـاكـ لـشـبـاكـ مـيـر زيـن انـتـهـت عـلـى سـكـن مـجـانـي بـالـفـنـدق .. تـسـلـم لـمـشـاركـتـكـ والـف مـراااحـب بـكـ بـمـنـتـدى الـتـسـلـيـه والـمـرح ..

وش جايبك في ذا؟
بروح أعلم العيارين خلهم يجون يذبون بكيفهم هنا ما عندك حصانة دبلوماسية كخخخخخخخخخخخخخخخ

سرقه في عز النهار