مكسيكي مدبلج الى...(((( سعـــــودي))))
فيلم مكسيكي مدبلج إلى سعـودي (( لا يفوتكم ))
تررررررررن تررررررررن ..صوت الجرس يرن
والدة نينيتا: نينيتا اقحصي وافتحي الباب يابنيتي
نينيتا: حسناً حسناً .. ياامي اصبري شوي البس نعالي
من الطارق: فتحت الباب .استراخان !!!!!!!! وش عندك جاي وش تبي ... فيني !!
مو من حقي اسلم على حبيبة قلبي نينيتا ولا ماتبيني .. اسلم
نينيتا(طرااااااااخ كف على وجهه) جاي تسلم علي بعد
ماشفتك مع ذيك المغفله ضف وجهك ولاعاد تقبل علينا
طلع استراخان وهو حزين ومتنكد وهو في الطريق سوى حادث
والسبه .. نينيتا .. بعدين .. مقطع حزين وصور من الحادث
ترررررررن تررررررررررررن صوت التلفون مثل صوت الجرس
الخادمه: منزل رابين كارلوس من معي؟؟
الو انا الدكتور اوكيستو هل لي ان احكي من نينيتا؟
الخادمه : نينيتاااااااا نينيتااااااا
نينيتا : نعم يا مال الوجعه
الخادمه : هذا بابا دكتور في تلفون
نينيتا: الو من انت وش عندك بعد
اوكيستو: انا الدكتور اوكيستو وبصراحه مدري وش اقولس بس
استراخان تعرض لحادث مروري وهاهو الحين في ذا .. مرقّد بالمستشفى
نينيتا : آآآآآآآآه ياإلهي هل انت محق فيما تقول .....ذبت السماعه واغما عليها
والدتها: اااااااااااا ااااااااه الحقوووووني ماذا دهاك
يابنتي ......؟؟؟؟؟؟ احضروا الماء والعطر
نينيتا: امي هيا بنا الى المستشفى لقد سوى استراخان حادثا
وهو في حاله خطيره ..
الام: حسناً حسناً طيب هيا بنا لنخرج بس دقيقه بغير ملابسي
نينيتا: حتى انا بغير ملابسي بس يلا بسرعه
وصلو للمستشفى ..عند الرسبشن (الاستقبال)
نينتا: من فضلك ابي غرفه استراخان ماكسيما
الرسبشن: روحي لاخر غرفه في الحوش
حسناً شكراً لك .. هيا يا أمي قومي بسرعه
يوم جو عند باب الغرفه
نينيتا : يمه اخاف ادخل عليه القاه مكسر
والدتها : امشي بس يابنيتي سمي ولا عليتس انشاء الله
والمفاجأه الكبرى عندما دخلت ...... وجدت عشيقته لورانسا بجانبه
نينيتا: بعد .. بعد هذا اللي ناقص وصلت فيك المواصيل انك
تناديها عندك ولا .. وين بالمستشفى بعد الشرهه ميب عليك ولا
عليها الشرهه على المتخلفه اللي تعبت نفسها عشان تزورك
استراخان: لورانسا هيا اخرجي انا لا احبكي نينيتا حبي الوحيد هيا اخرجي
لورانسا: حسناً سأخرج ولكن بوريك شغلكم مضبوط بس اصبر علي
انت وذا الحقيره .. <<< هههههههه معصبه وطلعت
استراخان: تعالي بقربي حبيبتي تعالي هيا
قربت نينيتا وعيونها تصبصب دموع قام استراخان ومسحها لها
وقال لها .. لاداعي .. يا حبيبتي .. هيا ابتسمي
نينيتا: استراخان لماذا دعوتها عندك بالمشفى؟؟؟؟ ألست انا
من احببت اذن اتركها تكفى ودعنا نتزوج
استراخان: تامرين امر اصلا مدري وش جابها عندي(ابوك
يالترقيع) خلاص ياروحي بكره بطلع من المستشفى ونتزوج اوكي؟
نينيتا : اوكي حبيبي قربت راسها لمه وشوي شوي قربوا وبعدين ..
فاصل .. اعلاني .. مع ملاحظه قطع المشهد الاخير
ـــــــــــــــــــــــــــــــــــــــــــــــــ
اعلاناااااااااااااااااااات لمدة ساعتين
ـــــــــــــــــــــــــــــــــــــــــــــــــ
نتابع معكم المسلسل المكسيكي المدبلج
(لماذا ياحبيبي .. لماذا)
ــــــــــــــــــــــــــــــــــــــــــــــــ
جا بكره ورجعوا للبيت وطق استراخان عليهم الباب ودخل وكلم الام
استراخان : ياعمه انا جاي اخطب بنتك .. نينيتا .. وابيها على شرع الله
والدتها : ياوليدي هذي والله الساعه المباركه بس خلني اشاورها ..هاه
يانينيتا .. يابنيتي .. نقول مبروك
حمرّت خدود نينيتا وقالت اللي تشوفينه يمه .. وقامت
والدتها :طيب قبل ماتروحين خذي رقم الطقاقات من جارتنا
الي على اليسار .. عشان نسوي عرس وطقطقه وننبسط ولاتنسين تتصلين
على الصبابات بعد
استراخان: اخيراً ياروحي تزوجنا ماني مصدق
نينيتا: الله ياستراخان هذا اسعد يوم في حياتي
استراخان: طيب ياحبي وش بنسمي ولدنا؟
نينيتا :طبعاً بسميه رابين على اسم ابوي << نينيتا من بدري مسيطره ع الوضع
استراخان: اجل بيسموني ابو رابين و الله وناسه
نينيتا: طيب حبيبي وين بنسافر شهر العسل له؟؟
استراخان : والله انا ودي اسافر للرياض بالسعوديه يقولون جوها مافيه
ازين منه غير انها منتجع سياحي هاه وش قلتي نحجز من الحين؟
نينيتا : اللي تشوفه ياروحي وين ماتروح خذني معك
وفي المطار.......
تعلن الخطوط المكسيكيه عن موعد انطلاق رحلتها رقم 656والمتوجهه
الى مدينه الرياض وسوف يكون الإقلاع بعد عشر دقائق
فعلى المسافرين التوجه لركوب الطائره .. وشكراً
نينيتا: يالله يامي نشوفك على خير انشاء الله .. اول مااوصل
ادق عليك لايضيق صدرك .. امووووووووه سيوووووووو
استراخان: يالله ياعمه توصينا بشي نشوفتس على خير ياوجه الخير
الوالده: هاه عاد ياوليدي يااستراخان مااوصيك على نينيتا
ترى ماعندي غيرها حطها بعيونك ويالله توصلون بالسلامه
استراخان: نينيتا بعيوني ياعمه مع السلامه
مشت نينيتا للطياره ولا حظوا انها لابسه تنوره فوق
ركبتها وبلوزه مزلطه ولاجابت معها عبايه وعلى بالها انها مسافره لامريكا
يوم وصلوا لمطار الملك خالد نزلت نينيتا على نياتها
وطلعوا من المطار وراحوا يتمشون طبعا اول مانزلوا من
التكسي جت الهيئه ومسكت نينيتا على ملابسها اللي لابستها
وقطوها بالسجن (تستاهل)
استراخان : يصيح لااااااااااااااااا نينيتا ونينيتا
نينيتا :لاااااااااااا استراخان .استراخان
المسكين استراخان قاعد يتكلم مع اللي بالسجن شوي ويحب رجله وذاك
يقوله ضف وجهك انا ما اعرف عنقليزي عشان ارطن مكسيكس توكل على الله
مل استراخان من كثر مايحاول يطلعها ومع الاسف مافيه
فايده رجع لديرته الي ما يستحي وراح وتزوج لورانسا حتى مادرت
امها انه رجع والحريمه مسيكينه ماتدري عن شي
والمسكينه نينيتا خاست سنه بالسجن وبعدها طلعت بالعفو الي برمضان
وسفروها الجوازات على حسابهم .. يوم وصلت عند امها قالت لها
السالفه ثم راحت نينيتا .. تدور على استراخان ولقته متزوج من لورانسا الحقير التافه
انعمت بنت الحلال وطاشت من العصبيه .. وراحت واخذت البندقيه الي وارثتها من ابوها
ودخلت على استراخان و لورانسا .. وثورت فيهم وذبحتهم من اطلقة الأولى
وفي الاخير ثورت في نفسها !!!!
...........وبكذا خلص المسلسل............
مسجل
تعليق