مع إني اقولكم إن اصابع اليد مب وحده

شوفوا الفرق بين الزوجه في السنه الاولى من الزواج وفي السنه العاشره ومابعدها

السنة الاولى

الساعه 6.30 الصبح

تودع زوجها ببوسه وهو رايح الشغل وتقول له

بتوحشني ياحبيبي

الساعه 11 الصبح

تتصل له وهو في الشغل وتقول له

حبيت اسمع صوتك بس ياعمري

الساعه 2 الظهر

تستقبله وهي متشيكه وتبوسه وهو داخل البيت واتقول له

الغدا جاهز ياحياتي .. اتحب احطه لك الحين ؟

الساعه 5 العصر

تصحيه من النوم ببوسه واتقول له

اسويلك شاي والا نسكافيه حبي ؟؟

الساعه 6 المغرب

اتقابله بإبتسامه واتقوله بكل خجل

ياريت ياحبيبي .. واذا ماعليك كلافه

يعني اذا تقدر اتوديني اشوي بيت اهلي

وقبل لا ينطق بكلمه اتقوله

اذا ماقدرت خلاص مب لازم

وطبعا هو يضيع في نظرة من عيونها

ويوديها لاهلها ولو في كان هو ساكن في الشمال

وبيت اهلها في الوكره

الساعه 8 الليل

تتتصل على الجوال واتقوله

اشتقت لك ياعمري .. ياريت اتمرني وانروح البيت

وطبعا هو مايصدق خبر

فيقول حق الشباب : اسف والله شباب راسي امصدع ولازم امشي الحين

الساعه 10 الليل

تجلس واتقول له

الله ياحبي تذكر ايام الخطوبه يوم كنت اتسوي المستحيل عشان اتشوفني

وانا كنت متلهفه لشوفتك

والخ .... من سوالف الحب والرومانسيه

في السنه العاشره ومابعدها

الساعه 6.30 الصبح

هي في سابع نومها

الساعه 11 الصبح

في تاسع نومها للحين

الساعه 2 الظهر

تستقبله وهي كشه وحالتها حاله واتقول له

شوفلي حل مع عيالك

حمود مايدرس وفطوم الله ياخذ عمرها شاقه

مريولها في المدرسه ولازم نشتري لها مريول ثاني

ومريوم طاحت من على الدرج والظاهر إنها

تعورت كله من هالشغاله الله ياخذها

شوف يا انا يا هالشغاله في البيت لازم اتسفرها

الحين والا اروح بيت اهلي

وابيك اتقدم لي على شغاله ثانيه وياويلك اذا

كانت حلوه

الساعه 5 العصر

يصحى الزوج على صراخها وهي اتفك هوشه بين حمود وفطوم وهي تدعي عليهم

بكل الامراض

الساعه 6 المغرب

هو قاعد يشرب شاي وهي اتقوله

ابي اروح حق امي بتجيهم بنت خالة جد ولد عم ابوي ، وبعدين بنروح نشتري

مريول ، وبعدين ودني حق اختي من زمان ماشفتها ، وبالمره انروح

السوق اشوي وانمر على ستي سنتر في الطريق

الزوج يشتغل ليموزين احسن له

الساعه 8 الليل

تتصله على الجوال واتقوله

وينك ؟ وليش متأخر ؟ ومن معاك ؟ ووين رايح؟

وليش ؟ اذا بتجي لا اتجي قبل الساعه 10

لاني مشغوله اشوي مع اهلي

الساعه 11 الليل

جالسين وهي معاه جدام التلفزيون والعيال ناموا

والجو هادي ورومانسي، اشوي والا ماده بوزها

واتقول له

اشفيهم هلك علي ها ؟

ليش امك ماتحبني ؟ وليش اختك ماتتكلم معاي ها ؟

ليكون هي امفكره نفسها احسن مني ؟

وبعدين بنات عمتك اشفيهم نافخين نفسهم علي ها؟

على جمالهم الزايد الحمد لله والشكر

تسكت اشوي وعقب اتقول

لا واختك نوره ذاك اليوم اتقول لي ان بنات الجيران تكلموا عنك وقالوا

انك وسيم ووايد حلو

على شنو ؟ من زينك انا مادري اشلون وافقت عليك كانت غلطة

عمري

تسكت اشوي واتقول

وبعدين تعال اخوك ماخذ حق مرته ساعه بعشرين الف ، ليش ماتاخذلي انا احسن

منها والا انا ما استاهل ها ؟

الخ ..... من هالسوالف اللي اتعور الراس

الساعه 11 الليل

هي زعلانه ونايمه مع العيال

وهو يلعن اليوم اللي تزوج فيه

سبحان مغير الأحوال


الموضوع منقول