سوالفنا

Collapse
X
Collapse
 
  • صفحة من 1
  • الوقت
  • عرض
Clear All
new posts
السابق template التالي
  • بنت العطا
    عضو متألق
    • Aug 2009
    • 3516
    #1

    سوالفنا

    كل من تخطر عليه سالفه يبادر في قولها ..

    ولا يتردد

    موضوع رائع صح ؟؟!!!


    تفاعلوا يلا ..
    اقاموا الوجد في قلبي وساروا * وقد شطت بمن اهوى الديار
    نأت عني الربوع وساكنوها * وقد بعد المزار فلا مزار
    ومذ ساروا سرى عني سروري * وقد عدم القرار فلا قرار
    واجروا بالفراق دموع عيني * فأدمعها بينهم غزار
    كلمات بحث: لا شيء
    • بنت العطا
      عضو متألق
      • Aug 2009
      • 3516
      #2
      الرد: سوالفنا

      خلوني أقولكم

      البارحه الظهر كانت أذوني راح تنفجر من قو الألم وقررت أروح المستشفى عقب الموت وأنا مو سهل علي أرز وجهي بالمستشفى ماحبه من الله
      ورحتله المشكله اني كنت مفصله حدي خاصه اني مداومة في الجامعه الصبح ومانمت الظهر
      المهم وادخل آخذ علاج وأرجع للبيت وطبعا بكره علي امتحان كمية كبيره اللي هو اليوم
      وخايفه حيل من هالماده بشكل كبير

      وانا ماعرف أدرس قبلها بفترة يعني لازم قبله بيوم
      أدرس والا ماأدرس
      وأنا هاليوم تعبانه والدكتور ماراح يعيد الامتحان علما ان الاسبوع القادم تبدأ الاختبارات النهائية
      يعني مايمديني أدرسله غير هاليوم

      وأقعد في الغرفة محبوسة 6 ساعات
      3 ساعات سرحانه و3 ساعات أتحوب وألوم نفسي << ليش تدخلين الجامعه يعني شاطره ويعني ويعني ويعني

      ماوعيت الا والساعه11 الليل وانا مو داريه شالسالفه
      عقب سكرت الكتاب بنت أبوها
      وعلى طول المطبخ والمطبخ مليان مواعين ماتغسلت وأكواب ماتغسلت أيضا
      << مهمله
      لا شعوريا قعدت أبكي .. وتدمع عيوني حتى بغت تميع من كثر الحزن ههههه
      طنشت المواعين وفتحت الثلاجه وأطلع همبرجر + بيض وأقعد أطبخ مالي حيله
      هو أنتي ناقصه بعد مواعين < بديت أكره المواعين والأطباق والله ... مفكره أشتري بلاستيك وأقطهم لا خلصت لاغسيل ولا هم يحزنون

      ماعلينا عبيت الكرشه وابتسمت انتصرت على الحزن وأخيرا ..
      وأروح احط منبه تلفوني والكلب خون فيني أثريني بدل لا أحطه 7 صباحا حطيته 7 مساء ...
      ونمت كالطفل الوديع ..

      الساعه 7:23 صباحا قمت فجأة سبحان الله من دون لا أحد يقولي قومي .. مفزوعه وأصارخ الدوواااااااااااام

      ياكسرة خاطر اللي عندي تخرع
      وأقوم أصارخ فيه الدوام الدوام لييييش ماقعدتني << خلاص قلبي وصل لحد أسناني من الخوف .. مع ان الامتحان 12 ونص الظهر ... والساعه 8 محاضره عاديه وما يحاسب على الغياب مدري ليه خفت

      صرت مارد 5 دقايق الا خاالصه كل شي وطالعه من البيت أنا وياه مسرعين بالسياره زين ما مسكتنا دوريه
      وأوصل للجامعه الساعه 8:10 ص
      ركض ع القاعه والا الدكتور متأخر الحمدلله ..

      حضر وقعدت مفهيه طبعا عين مغمضه والثانيه مفتحه
      وخلصت المحاضره عاد من 9 إلى 11 فاضيه ماعندي شي
      أطلع بوكي أدور فلوس أبي أكل وين الفلوس نسيت لا آخذ منه شي ياااااربي
      ماعندي إلا مية فلس ماتجيب إلا ماي حسيت بمعاناة الفقراء الله يعينهم
      وأطلع الكي نت وأتشلح لكوفي قلوريا جان تقول : لا ماما مافيه كي نت تعالي بعد نص ساعه
      قلت نص ساعه نص ساعه أنطر شسوي
      وأروح المكتبة وأقرى شوي جت الساعة 10 رديت عليها قلت مدام في كينيت ؟ قالت نو تعالي بعد شوي ..
      ألعن خيرها ذلتني ....
      وأروح لصديقاتي ودي أقول عطوني وأشحذ بس ماتعودت بنت هوازن تمد يدها ههههههههههههههه
      وتجي 11 وأروح لمحاضرة نحو وصرف معفنه وصعبة وتضيق الخلق
      ماحسيت بنفسي ياجماعه
      والا انا نايمه ورا صوب الدريشه وبراد يجيب العافيه والا يقول : اللي في الخلف
      وانا نايمه مادري عن شي وينادي شو هي ماتت أسمع بس أقول مو أنا أكيد وحده ثانيه
      البنات يدزوني اللي جنبي وأقوم أتمغط وأقول : اشفيكم عمى الواحد ماينام
      قال : يلا إقري
      قلت : شنو مدري شنو أقرى
      قال : اقري اللوحه
      وأقرى بيت شعر خرابيط برابيط ويقول اقري 3 مرات وكله غلط
      قزرتها المحاضره تلوع الكبد وطلعت منها فكه

      ذابحني الجوع
      وأروح للكوفي مره ثانيه أطالع اللي يشترون بألم وحسرة بغيت أبوق
      والله بس الحمدلله مابقت ولا سرقت
      قلت بصوت عالي مدام ماصارت فيه كنت والا لا <<< ذليت نفسي عليها الفليبينيه الخايسه قالت يس يس
      قلت وأخيراااااااااااااااااااااااا بغيت أناقز وأصارخ من الفرحه ههههه الساعه 12 وربع والامتحان ياحلوه بعد ربع ساعه
      قلت أهم شي بطني بعدين اروح الامتحان واتغدى مالذ وطاب < سلطه يونانيه << رايقه
      وباربيكيو وميرندا
      وأتغدى على الراحة وأطالع الساعه الا وحده الا ربع
      وطايره على قاعه 216 أفح فح .. كنت راح أنقلب في السلم لكن الحمدلله كل الأمور صارت تمام
      وأدخل وآخذ الورقة ابي أحل نسيت إسمي أتذكر اتذكر << ليكون شاربه شي
      وفي هذي اللحظه مادري ليه طرى علي البكلين وطفولتي وكل أهل المنتدى << شنو يسوون وانتي شكو بالناس ...؟؟؟؟؟

      وبالموت تذكرته هههههه

      والامتحان مصدومه منه ماعرفت منه الا 3 أسئلة وباقي 5 أسئله عليها 15 درجة ماعرفت
      وأقول هذا ماعطيتنا وهذا مادرسناه سويت ازعاج بالقاعه وشيشت الطالبات كلهم دكتور بنعيد وانا عيد عيد ههههههههههههه قال والله اللي أول وحده قالت هذا الشي اذا ماسكتت راح أطلعها واحط لها صفر فكرت قلت هي خاربة خاربه قلت خلاص أألف من كيفي وأطلع وبالفعل ألفت ونااسه التأليف وأكتب من كيفي
      وأسرد سرد من دون لا إحم ولا دستور
      الله يستر من النتيجه تخيلوا عاد A
      أعطيكم اللي تبونه لو خروف من غنم خالي أقصبه وأوصله لكم مجانا في العيد الجاي

      يلا قولوا عاد سوالفكم
      وأنا راجعه ان شاء الله

      تحيتي


      اقاموا الوجد في قلبي وساروا * وقد شطت بمن اهوى الديار
      نأت عني الربوع وساكنوها * وقد بعد المزار فلا مزار
      ومذ ساروا سرى عني سروري * وقد عدم القرار فلا قرار
      واجروا بالفراق دموع عيني * فأدمعها بينهم غزار

        تعليق

        • وهج الفكر
          عضو فعال
          • Jul 2009
          • 564
          #3
          الرد: سوالفنا

          ههههههههههههههههه
          والله ذكرتينا بسوالف النسوان خععععععععع

          أكيد لي عوده وبشوف الشباب أيش بيقولوا وعلى ضوء زاااالك راح أشارك هههههههه


          تحياتي

            تعليق

            • بنت العطا
              عضو متألق
              • Aug 2009
              • 3516
              #4
              الرد: سوالفنا

              ذكرتك بسوالف النسوان هاه


              يعني الموضوع حكرته لسوالف النسوان هين بس .. .! ههههههههههههههههه


              يلا يلا انثر الجربه وهات ما عندك عقاب لك


              والشباب يتشجعون لما يشوفون سوالف أبوهم أوه قصدي جدهم الأكبر

              والله
              اقاموا الوجد في قلبي وساروا * وقد شطت بمن اهوى الديار
              نأت عني الربوع وساكنوها * وقد بعد المزار فلا مزار
              ومذ ساروا سرى عني سروري * وقد عدم القرار فلا قرار
              واجروا بالفراق دموع عيني * فأدمعها بينهم غزار

                تعليق

                • البكلين
                  عضو بارز
                  • Aug 2010
                  • 1565
                  #5
                  الرد: سوالفنا

                  ههههههههههههههههههههههه

                  حسبي الله على شيطانك
                  وفي هذي اللحظه مادري ليه طرى علي البكلين وطفولتي وكل أهل المنتدى << شنو يسوون وانتي شكو بالناس ...؟؟؟؟؟
                  ماتذكرتينا إلا في الموقف العويص ؟؟
                  وبعدين يالغالية إذا ماكان معاك فلوس تعالي لمطعم البحر الأحمر للماكولات البرية
                  كل المطعم فدوة لك
                  لولا المشقة ، ساد الناس كلهم
                  الجود يفقر.........والإقدام قتّال

                    تعليق

                    • بنت العطا
                      عضو متألق
                      • Aug 2009
                      • 3516
                      #6
                      الرد: سوالفنا

                      مطعم البحر الأحمر للمأكولات البحريه من صباح الله خير
                      علشان أملي القاعه ترجيع الله يكرمك ههه تطلع كرعان الابل وكروشها

                      انا ناويه أجيه بس آخر يوم بالاختبارات
                      قبل لانظهر للبر هههههه على حسابي

                      مشويات ضبان وجراد
                      اقاموا الوجد في قلبي وساروا * وقد شطت بمن اهوى الديار
                      نأت عني الربوع وساكنوها * وقد بعد المزار فلا مزار
                      ومذ ساروا سرى عني سروري * وقد عدم القرار فلا قرار
                      واجروا بالفراق دموع عيني * فأدمعها بينهم غزار

                        تعليق

                        • بنت العطا
                          عضو متألق
                          • Aug 2009
                          • 3516
                          #7
                          الرد: سوالفنا

                          كتبت إليك والعبرات تجري
                          ودمع العين ليس له انقطاع

                          ولست بيائس من فضل ربي
                          عسى يوما يكون به اجتماع
                          اقاموا الوجد في قلبي وساروا * وقد شطت بمن اهوى الديار
                          نأت عني الربوع وساكنوها * وقد بعد المزار فلا مزار
                          ومذ ساروا سرى عني سروري * وقد عدم القرار فلا قرار
                          واجروا بالفراق دموع عيني * فأدمعها بينهم غزار

                            تعليق

                            • بنت العطا
                              عضو متألق
                              • Aug 2009
                              • 3516
                              #8
                              الرد: سوالفنا

                              في هذه السنة الجديدة 1/1/2011 م


                              الواحد بدل مايقول اللهم اني أسألك خير هذا العام وخير مافيه وأعوذ بك من شره وشر مافيه وشر مابعده


                              جيراننا يحتفلون وأنا أسمع أصواتهم من نافذة غرفتي

                              ويشعلون الألعاب النارية
                              وأسمح ضحكاتهم وصرخاتهم
                              لو كان حلول عيد الفطر والا الأضحى او حتى رمضان أو شوال ماسووا هذا الشي

                              ليش ؟؟

                              سبحان الله آخر شراخي ( لعبه ناريه )


                              انفجرت بحديقتهم وراحوا يركضون لداخل البييت

                              شنو يسوى عليهم لو احترق البيت واحترقوا معاه ؟؟
                              اقاموا الوجد في قلبي وساروا * وقد شطت بمن اهوى الديار
                              نأت عني الربوع وساكنوها * وقد بعد المزار فلا مزار
                              ومذ ساروا سرى عني سروري * وقد عدم القرار فلا قرار
                              واجروا بالفراق دموع عيني * فأدمعها بينهم غزار

                                تعليق

                                السابق template التالي

                                مواضيع مرتبطة

                                Collapse
                                جاري العمل...

                                  نحن نعالج البيانات الشخصية لمستخدمي موقعنا عبر استخدام ملفات تعريف الارتباط (الكوكيز) وتقنيات أخرى، وذلك لتقديم خدماتنا، وتخصيص الإعلانات، وتحليل نشاط الموقع. وقد نشارك بعض المعلومات الخاصة بمستخدمينا مع شركائنا في الإعلانات والتحليلات. لمزيد من التفاصيل، يُرجى الرجوع إلى سياسة الخصوصية.

                                  بالنقر على "أوافق" أدناه، فإنك توافق على سياسة الخصوصية وعلى ممارساتنا المتعلقة بمعالجة البيانات الشخصية وملفات تعريف الارتباط كما هو موضح فيها. كما تُقرّ بأن هذا المنتدى قد يكون مُستضافًا خارج بلدك، وتوافق على جمع بياناتك وتخزينها ومعالجتها في البلد الذي يُستضاف فيه هذا المنتدى.

                                  I Agree