ياما سمعنا عن علم المنطق,,,وشو علم المنطق؟
إسمع راي القروي عن علم المنطق وقولي وشرايك فيه:
واحد حصل على شهادة الدكتوراه في علم المنطق
لما رجع لديرته قابله واحد قروي سطل(غبي) من عيال ديرته في الطريق ودار بينهم الحوار التالي:
- القروي: ياهلا والله بولد ديرتي والف مبروك على شهادة الدكتوراه
-الدكتور: الله يبارك فيك
- القروي: بس إنت ماقلت لي,,,دكتوراتك إنت في إيش؟
- الدكتور: في علم المنطق
- القروي: وشو علم المنطق ذا؟؟؟؟؟؟؟!!!!!!!!!!!!
-الدكتور: مممممممم,,,والله ما أدري وش أقولك ولا وشلون أبشرحلك!!!
لكن خليني أضرب لك مثال وإن شا الله راح تفهمه
-القروي: أكيد راح أبفهمه ( واثق من نفسه الأخ,,صفقني إن فهمت شي )
-الدكتور: شوف ياطويل العمر,,إنتو عندكم كلب في البيت؟
-القروي: إيه عندنا واحد
-الدكتور: آو كي,,شوف وركز في كلامي زين
دام إن عندكم كلب, أكيد إنكم حاطينه برا البيت, ومادام برا البيت
أكيد ماراح تحطونه في الشارع,,,إذن المنطق يقول إن عندكم حوش في بيتكم حاطين الكلب فيه,,,,,,صح؟
-القروي: صح,,
-الدكتور: طيب,,دام إن عندكم بيت وفيه حوش هذا معناته إن أحوال أبوك الماديه ميسوره بدليل
أنه قادر يشتري بيت كبير وفيه حوش,,,,,,صح؟
-القروي: إيه صح
-الدكتور: دام إن أبوك حالته الماديه ميسوره المنطق يقول إنه في وظيفه مرموقه تدخل عليه هالدخل الزين,,,صح؟
-القروي: إيه صح
-الدكتور: طيب,,مادام أبوك في وظيفه مرموقه معناته إنه إنسان ناجح في الحياة,,,,,صح ؟
-القروي: إيه صح
-الدكتور: مادام كذا,,أجل لازم يكون ورا إبوك زوجه تدعمه وتشجعه لين وصلته الهالمواصيل
لأنهم يقولون وراء كل رجل عظيم إمراة,,,,صح؟
-القروي: إيه صح
-الدكتور: أنت معاي ولا جالس تدربي راسك بس؟
- القروي: لا والله,, انا معاك,,كمل
-الدكتور: طيب,,دام إن أمك هي الإنسان اللي وصل أبوك لهالمكانه, علم المنطق يقول إنها من بيت كريم ومن أسره طيبه ومحترمه
ربوها التربيه الزينه عشان تصير زوجه صالحه
شفت وشلون علم المنطق!!!
من خلال معرفتي إن عندكم كلب قدرت أعرف إن أمك متربيه تربيه زينه وأخلاقها مافي مثلها
-القروي: والله رهيب علم المنطق هذا,,مشكور ياخوي وماقصرت
مشا هالسطل وهو يدربي هالطاسه وهو مستانس إنه عرف شي عن علم المنطق
في الطريق, قابل سطل ثاني من أخوياه وقاله:
-صويلح,,ما سمعت عن علم المنطق؟
-صويلح : لا والله,,,وشو ذاأكله جديده؟
- القروي: هاهاهاااي,,قال أكله جديده قال,,هذا علم جديد يالخبل لكن إنت
وش دراك بهالسوالف يالغبي ( تكفا ياللي صار فاهم الحين)
-صويلح :طيب تكفا علمني وشو اللي قلت عليه الحين؟؟!!!!!!
-القروي: آو كي,,أنا راح أضرب لك مثل ألحين عشان تفهمه
إنتو عندكم كلب في البيت؟
-صويلح : لا والله ماعندنا
-القروي: أجل إسمحلي أقولك إن أمك صايعه وتربية شوارع
لووووووووووووووووووووووووووووووووووووووووووووووووووووووووووووووووووووووووووووول
تم ترم تم تم


هاه! وش لون علم المنطق؟ يونس صح؟
- إيه صح

------------------
لاينبغي أن تقول كل ماتعرف ولكن يجب أن تعرف كل ماتقول