طبعاً هاذي نكت من الي ضحكت عليهم وماقدرت امسك نفسي من الضحك
قلت حق نفسي لازم اضحك اخواني وخواتي الي بالمنتدى
طبعاً هي مجموعه من النكت...

ولكم ما اضحكني


* حرامي نذل دخل بيت.. ما لقى شيء يسرقه.. اتصل على أمريكا وترك السماعة مرفوعه!
(عشان الفاتوره تصير بالملايين)


* واحد يمشي ومعاه أرنب يبي يبيعه في السوق.. جاه محشش قال له: لو سمحت بكم القرد اللي معاك؟.. رد عليه البياع: هذا أرنب مو قرد يا حول.. قال المحشش: والحين انت من كلمك؟ أنا أسأل الأرنب


* في بدوي سألوه: ليش كسرت كاميرة المرور؟ قال: يا ولد مصورين أهلي


* فيه واحد يسمونه "منشّف ريج البنات" ليش؟ من كثر ما يتفلون عليه(هذا جزات خروف البنات)


* سبعه أغبياء يتمازحون ماتوا أربعه قال الباقين: خلاص عاد لا تنقلب السالفة جد.



* ياهل حضري يلاحق ضب... ليش؟ عباله بوكيمون.



* ناس يابوا شغالة وأول ما وصلت طلعوا بها للبر جلست تبكي وتقول: بابا.. ماما هادا كلو في كنس؟؟


* فيه نذل فتح بقالة كتب عالبيبسي (رجه جيدا قبل الاستعمال)


* واحد نذل يوصي عياله بالنذاله قبل لا يموت قال: هاه يا عيالي ما أوصيكم النذالة ثم النذاله ثم النذاله.. يوم مات أبوهم ذبوه بالزبالة.


* أثول يسأل أخوه: الزيتون له رجلين؟؟ قال: لا.... قال: عيل اللي توه أكلته خنفسان؟


* فيه واحد سكران كان يسوق السيارة.. وقف عند نقطة تفتيش.. قاله الشرطي: لو سمحت الرخصه والدفتر..... قال السكران: أي بطل اللي أنت تتكلم عنه.



* واحد عزوبي... المسكين إذا جاء يقول كلمه فيها حرف (ل) يتعتع؛ يعني إذا جاء يقول (ليل) يقول: لللللللللليل. المهم الرجال دايما يروح المطعم ويطلب عيش ودجاج.. يستحي يطلب لحم عشان ما يتعتع... وكل يوم على ها الحالة... جاء يوم وصمم يأكل لحم، قام طلع من الشقة وهو يقول: "للللللللللللللللل" وركب السيارة وهو يقول: "للللللللللللل" ويدور من عند الإشارة وهو يقول: "لللللللللللللللل" ويوقف عند المطعم وهو يقول: "لللللللللللل"... ودخل المطعم، ويوم وصل عند الجرسون قال: "لللحم وعيش"... قال الجرسون: "شنو تقول؟ ما سمعتك"........ قال: "عيش ودجاج الله ياخذ عمرك

هاذي النكته الاخيره هي الي ذبحتني من الضحك



واتمنى اني رسمت البسمه والضحكه على شفاهكم


اخوكم / عبدالله الحسيني