مشكوووووووور اخوي فهد

فكره اكثر من رائعه

وانا ببداء الموقف هذى مجزن بالنسبه لي

وبصراحه ماعلمت بيه احد والحين بقوله لاني معد اقدر اتحمل

اني اكتمه في نفسي

الموقف هو :

اني حبيت قريبه لي وكنت ابي اتقدم لها

بس لاسباب منعتني اني اتقدم لها

اولها ليس عندي دخل شهري دايم

ثانيها خوفي من الزواج

ثالثها احس اني مازلت صغير على الزواج

طبعا الاسباب الاخيره يمكن اني اتجاوزها

والسبب الاول هو الاكثر مامنعني

قلت خليني اتخرج وبعدها يكون عندي دخل واقدر اتقدم لها

وانا مرتاح البال

بس للأسف تقدم لها واحد قبلي

بصراحه زلعت كثير

وماتصدقون كيف عرفت

اخو البنت هو من اعز الناس عندي جاني وسئلني عن الشخص اللي تقدم لي اخته

بصراحه كنت راح اقول كلام عنه علشان يرفضونه

بس ما قدرت اني اكذب ومع ان الشخص اللي تقدم لها

ماتحس بيه حاله حال نفسه

قلت الاشياء اللي اعرفها عنه وبصراحه وقلبي احس انه يبي ينفجر

وطلب مني اني اسئل عنه اكثر ولبيت له طلبه

ويوم جيته باللي عندي

قالي انهم رفضوه وكنا هذاك الوقت في الملعب ماتصدقون والله العظيم

سويت اشياء يعلم الله اني ماني مصدق نفسي كيف سويتها وكيف جاتني الجرائه اني اسويها

واللي سويته هو اني سجلت هدف وطبعا افرح بتسجيل الهدف

بس اني فرحت لشي ثاني وانتم عارفينه وبديت ارقص واسوي اشياء

حتى الشباب الي معاي مو مصدقيني اني سويتها

المهم ان فرحتي ما استمرت كثير

طبعا كانت الاختبارات يوم السبت قصدي على الاختبارات النهائيه

وكان يوم الخميس اللي هو قبل الاختبارات بيومين

علشان تسهل علي اسم اخو البنت (( بدر ))

كان عند عم بدر عزيمه واتصل علي وقالي تعال معاي

ورحت معاه

واحنا في الطريق قالي نبي نروح لي امه طبعا امه تصير جدتي

قلت خلاص نروح وبالمره اسلم عليها

المهم رحنا بيتهم وكان فيه احد كلهم يعتبرون محارم للبنت

انا الوحيد اللي اعتبر نوعا ما غريب

دخل الشخص اللي تقدم لها في الاول ومعاه واحد من اقربائه

ماتتصورون وش صار لي

طقت عناااد فين اني ما اروح علشان مايخطبهاا

بس ماقدرت اجلس كلهم يطالعون فيني بظره معينه اظن انكم تتخيلونها

واكثر شي نظرت الشخص اللي تقدم لها وقريبه نظرت استحقار

المهم كلمت بدر قلت له اعطيني مفتاح السياره بروح العزيمه حقت عمك

وكانت قريبه من بيتهم

وانا خارج من البيت كان الشباك حق بيتهم مفتوح وكانت هي هناااك

يعلم الله اني ماقصدت اني اطالع لها او بقصد منها لانها كانت

تتصرف بطبيعتها

وان كان على هذي الحظه

اني جلست ابكي لفتره ما ادري قد ايش

وتمالكت نفسي ورحت العزيمه وانا ما ادري وش اقول

المهم يوم الاختبار مرضت

ورسبت في جميع المواد

اخذت فتره وحاولت اني انساهاا ماقدرت

بس رضيت بالقدر

وماتوقف على هذىالشي

اتصل علي بعد فتره

قالي ابيك تروح معاي بحكم اني ماشفته لفتره طويله قلت بالمره نشوف بعض

رحت معااه وانا والله ما ادري وين ناوي يروح هوو

المهم مادريت الا وانا في السوق معاه

واشوي دخل هو مشغل للفساتين

كان يبي ياخذ فستان شبكة اخته

هاك الوقت يوم دريت تمنيت اني ماجيت

وياليت الارض انشقت وبلعتني ولا حصلي هذى الموقف

كنت قبل ما ندخل السوق اضحك وانكت بطبعي اني احب التنكيت والمزح

بس بعد هذى الموقف ...........


ردني البيت 3 ايام تقريبا بعد هذى الموقف

كلها حزن وبكاء ومن شدت بكائي اني انام وما اصحا الا اليوم الثاني

وعلى هذى الحال لمدت 3 ايام

يعلم الله اني اكتبها والدمع على خدي

بس وش اسوي معد اقدر اتحمل تعبت والله

واتمنا من الله العلي العظيم انه يبعد عنكم الحزن

ودمتم بصحه وعافيه

اخوكم

الشبح (( مجروح القلب ))

اهلين بالشبوح مرة ثانية ( لاني كتبت مشاركة ساعة كاملة وبعدين قالي استخدمت تعابير اكثر من المسوح رجعت لقيته مسح الموضوع كله ) اخخخخخخخخخخ مو مشكلة خانقتيني العبرة بصراحة
رد على موضوع
انا اعتقد انك اذا كنت تحب الانسانة هذي من كل قلبك اخوي فأنت راح تتمنى لها ان تكون سعيدة بحياتها وانك انت تسعد لها بزواجها وبفرحتها وراح تكون التجربة هذي لك حافز كبير انك تكون انسان ناجح بالمستقبل خاصة اني فهمت من كلامك انك ما كنت جاهز للزواج في هذاك الوقت وان الشخص الثاني كان جاهز للزواج واعتقد انه اكبر منك بالسن وهذا الطبيعي راح يكون مستعد للزواج اكثر وانه يفتح بيت
ولو فكرت بشكل محايد كنت انت راح تختار لها الشخص الثاني
خاصة لو شفت المثل الي يقول الحب عند الرجل نصف الحياة والحب عند المرأة كل الحياة وهذا الشي الي ينطبق على الزواج بعد لان المراة تلقة نفسها وكيانها بالزواج والاولاد ، فالانسانة هذي لو ارتبطت فيك على امل محتمل انك تكون جاهز في يوم ما شي مافيه عدل منك تجاه البنت لانها راح تضيع عمرها على احتمال ممكن يصيب وممكن يخيب وممكن انت تغير رايك فيها بعد فترة وهذا غالباً الي يصير في موضوع الحب قبل الزواج ان واحد من الطرفين يغير رايه بالطرف الثاني لكن انت بتصرفك هذا انك اثرت الانسحاب كان تصرف حكيم لكن كان الافضل انك تترك التجربة هذي تحفزك انك تكون انسان جاهز في المرة الجاية لان المؤمن لا يلدغ بجحرة مرتين فانت ممكن في يوم من الايام قلبك يتعلق بأنسانة ثانية بعد وصعب ان نفس المقوف يتكرر معك وتكون مو جاهز للزواج وتنصدم مرة ثانية فالافضل انك تستعمل التجربة هذي كحافز لك انك تطور نفسك وتكون انسان جاهز للزواج بي وقت وجاهز انك تفتح بيت واي عائلة تطير من الفرحة لو عرفت انك تفكر تتزوج بنتهم
وهذا يحتاج منك انك تبني نفسك بشكل جيد وقوي من جميع النواحي الدراسة والمادية والاجتماعية وبعد كذا لو تكرر الموقف راح تفرض نفسك على المجتمع وتختار الانسانة الي يحبها قلبك بأي وقت ويبقى موضوع الزواج والطلاق اقدار كتبها الله علينا قبل لا نكون موجودين على هذي الدنيا ولازم نؤمن فيها ونستخلص العبر منها والانسان الناجح الي يستفيد من كل الموقف الي يتعرض لها ويكون له عليها ردت فعل ايجابية
اتمنى لك كل التوفيق اخوي الشبوح وبأنتظار يومياتك معنا دائماً
بس للملاحظة يالشبوح المشاركة الي انت سجلتها كانت مشكلة مركبة صارت معك والمطلوب هنا انك تسجل مواقف حيايتية يومية من الي تصير معك اي موقف عادي صار لك حتى لو بالشارع وانا راح اعطيك اليوم موقف من يومياتي
..................................................
كنت وقف بالشارة مثل العادة نظامي جداً وانتظر الاشارة بس تفتح ( بس قافلة معي من الحر ومو رابط الحزام كالعادة بعد ) فكت الاشارة ابي الف يسار للشارع الثاني واتفاجىء بسيارة تمشي بالعرض جاية من الشارع المقابل ،، بصراحة اول مرة اشوف هالموقف يعني يوم اكون واقف بالاشارة اشوف السيارات توقف عادي بالشارع الثاني اشوف القزاز الامامي حق السيارة بس هذي طيرت عقلي اول مرة اشوف الابواب تجي قبل الصدام حق السيارة ،، وتسحب السيارة الين نص التقاطع
بصراحة انا شكلي ما ينوصف كذا صاير ==> طايرة عيوني الين راحت السيارة هذي الي كان عبارة عن شلة شباب ويفحطون بالشارع العام وربكم ستر ولا كان ماخذيني معهم بالتعريضة هذي
مادري اش اللذة اني افحط بالسيارة لهالدرجة ان التفحيط يوصل انه يصير بالشارع العام وخاصة لو عرفتو ان هالشارع عند سوق وفي ناس كثير وخاصة اطفال وحريم يقطعون الشارع هذا مشي وفي بعد مسجد يعني ممكن وقت الصلاة بالحركة هذي يطلع الواحد من بيته مشي للمسجد يرجع طيران للبيت
والله يستر علينا وعليكم من هالشباب المهبل الي ماعندهم اي تقدير لاروح الناس ولا ارواحهم

مشكووووور اخوي فهد على كلامك الحلو

واللي بصراحه كلماتك خففت علي

اعذرني ان كنت كتبتها في غير محلها

بس يوم شفت الموضع قلت هذي فرصه انزلي اللي في قلبي

علشان ارتاح ونا بطبعي نساي

المهم ماودي ادخل في الموضع اكثر من كذى

********

الحين بقولكم موقف صار لي ما ادري هو تعتبرونه موقف ولا شي ثاني

المهم بقوله

طبعا الوالد الله يحفظه يشتغل في شركه ومايجي البيت الا في الاجازه الاسبوعيه

باقي الايام مانشوف وجهه

المهم في اسبوع لازم عليه انه مايجي البيت

وجلس تقريبا اسبوعين مانشوفه

وهو جاي في الطريق بعد الاسبوعين هذي

اتصل على البيت وقالهم انه جاي فرحوا اخواني طبعا له اسبوعين مانشوفه

جلست لحظه افكر كيف شكل ابوي والله العظيم اني تقريبا جلست نص ساعه

احاول اتذكر شكل ابوي ماقدرت

رحت سئلت امي قلت لها كيف شكل ابوي

طبعا هي جلست تضحك لانه بطبعي اني اتريق وامزح معاهم

قلت لها جد امي كيف شكل ابوي والله نسيت شكله

جلست تطالع فيني بستغراب وبعدها تركتني

خرجت من البيت استنا ابوي

طبعا بعيد عنه بحيث انه مايشوفني بس انا اللي اشوفه

بس من يوم شفت سيارته على طول افتكرت شكله

فرحت فرح وانبسطت رديت البيت طبعا لقيت امي علمت ابوي بالي صار

قمت انا مثل العاده قلبت الموضوع على اني كنت امزح

والحين كل ما افتكر هذى اللحظه اجلس اضحك على نفسي

نياههاهااههاهاهاهاهااهاههاهااههاهاا


ودمتم بصحه وعافيه

اخوكم

شبح بح

هههههههههههههههههههههههههه الله يقطع شيطنك يالشبوح على هالموقف متخيل شكلك لو انك واقف بالشارع تبي تشوف هذا الي جاي وش شكله هههههههههههههههه ولا افلام الكرتون
الله يخليك ويسعدك انشالله يارب على هالموقف الحلو
واتمنى اشوفك هنا دايم
اخوك فهد

السلام عليكم ورحمه الله وبركاته

حبيت اشارك بهذا المتصفح الرائع
وحبيت اقولكم موقف صار معاي وبصراحه لا احسد عليه
معروف عني ان انا سعودي لكن انا حاليا في الكويت للدراسه
ومعروف عن السعوديه واطباعها وعادتها وتقاليدها ان الواحد مايتكلم مع المرأه الغير المعروفه
المهم
قاعد امشي بالسياره رايح للكليه طبعاً الساعه 8 الصبح وكان يوم الثلاثاء
وانا ماشي بالسياره ماسك الخط الايسر جتني سياره من خلفي وقام يكبس العالي على اساس يبيني افتحله الطريق
فهمت انا وبفتحله واول مافتحتله الطريق لفيت يمين على اساس انه ياخذ الخط الايسر
انا مايمديني لفيت يمين والا هو لف يمين وصدر انه صدمني بالسياره من الجهه الخلفيه
دارت فيني السياره والحمدلله ماصارت اي اصابات وأول ماوقفت السيارتين
نزلت بنت توقعوا ياجماعه شنو قالت لي

قالت لي انت عمى ماتشوف وشلي يخليك تسرع!!!!؟؟
انت مال الكعب على راسك انت مو مال احترام

انا استغربت وانبطت جبدي من كلامها وقلت لنفسي هاذي تبيني اطقها عشان ترفع علي قضيه لمس او هتك عرض بصراحه قلتلها وبمعنى الكلمه مــشــكوره اختي كلك ذوق واحترام وجلست بالسياره واتصلت على الشرطه عشان تحل الموضوع وانا لاحظت ان البنت مرتبكه
المهم البنت ماوقفت عن الشتم وانا ساكت واقولها الله يسامحك
جت الشرطه وشافوا الحادث وخططوا الحادث وطلبوا الرخصه مالتي ومالتها
انا عطيته الرخصه والبنت ماعطته قالها لو سمحتي الرخصه والاستماره (الدفتر)
قالت له ماني معطيتك الرخصه شنو تبي تسوي ولاتلمسني مفهوم الشرطي بصراحه خاف من البنت لانها يمكن تتهمه بشيء لاسمح الله
المهم اتصلوا على ملازم اول وجا وكلم البنت واتظح ان البنت ماعندها رخصه وانها ماخذه سياره امها بدون لاتدري وتدرون ياجماعه شنو قالت فوق هذا
اتقول للشرطي انتم من صجكم توقفون مع السعودي هذا واتخلون بنت الكويت
قلت لها احترمي نفسك سعودي تاج راسك واحنا السعوديين ماقلنا عنكم كذا لكن انا اعرف تصرفي معاج ورب الكعبه ماتردني الا السفاره (بحكم اني وحيد في الكويت وما اعرف احد)
المهم رحنا لمكتب الشرطه وطلع الخطأ عليها 85 بالميه
وجت ام البنت وابوها والضابط قالهم ان بنتكم قلطت على السعودي امامنا واهو الحين يبي يشتكي للسفاره لانها اهانته
جاني والد البنت وامها واعتذروا مني وقالوا لي انها جاهل ماتفهم (مراهقه) ماتعرف شتقول
المهم انا رضيت وقلت لهم عادي مافيه شي بس لازم اتكون روحنا على بعض لان السعوديين والكويتيين اخوان واعيال عمومه المهم انها خلصت السالفه وصلحوا سيارتي ومارحت للكليه بيومها
وهذا ابشع موقف صار لي
تحياتي لكم
اخوكم
عبدالله الحسيني

حياك اخوي الحسيني
لكن انا لي سؤال غريب تواجدك بالكويت للعيش هناك خاصة وان السعودية موجود فيها بعد فرص عمل لو كنت موظف يعني وفرص عمل مغرية جداً ورواتب ممتازة توازي الرواتب الي تستلمها بالكويت وخاصة بقطاع الشركات الكبيرة هذا غير المميزات الاضافية ولو كان تخصصك مرغوب بعد ممكن تلقى فرص اكبر واكثر اغراء من الناحية المادية
وبالنسبة للموقف الي صار لك انا ما سبق لي اني زرت الكويت ابداً ولكن اسمع كثير من الشباب الي يسافرون للكويت تعرضهم لمواقف مثل هذي واستغربها بصراحه خاصة والسعودية لها فضل كبير على كل الدول العربية وبخاصة دول الخليج
لكن اهم شي الموقف الرسمي من الشرطة كان جميل جداً وهذا المهم لانالموقف من العامة يختلف كل واحد له اتجاهات وطريقة تربية لكن المهم موقف الانسان الرسمي لان سبق ان صارت مشكلة بسبب موقف رسمي خاطيء من ضابط اطلق العسكر يضربون الجمهور السعودي بالكويت في تصفيات الخليج ويكسرون الباصات السعودية وكان موقف مستغرب لكن الرد الرسمي الي اعلى منه قرر فصلة من الخدمة وسجنه على ما اعتقد ( انا حضرت مبارة الذهاب الجمهور الكويتي طلع معزز مكرم وكانو يمشون بالشارع على رجولهم بشكل طبيعي جداً خارج الاستاد اخوان واولاد عم )
تحياتي لك يالحسيني واتمنى تواجدك الدائم في هالمشاركة عشان ما ننقطع من اخبارك

اسف اسف اسف اخوي الحسيني ترى نسيت انك كاتب ان تواجدك بالكويت للدراسة
لاني اذكر انك مرة قلت ان لحم اكتفاك من خير الكويت في مشاركة من مشاركاتك وانعمت بصيرتي عن انك كاتب الان ان تواجدك هناك للدراسة
لان تفسير لحم اكتافي من خير الكويت انك تشتغل فيها وهذا اسفي اكرره مرة ثاني لسوء الفهم

هلا اخوي فهد

عادي لا اتأسف اخو وعزيز ولكن انا موجود بالكويت للدراسه فقط
اما من الموقف الرسمي فلا شك ان الحكومه الكويتيه وبعض من الشعب الكويتي يرحبون بنا اشد الترحيب ويقولون لنا (حياكم الله في ديرتكم الثانيه لكويت) يا اخي من تسمع الكلمه هاذي ترتاح نفسيا وتحس انك بجد بديرتك الثانيه لكن والله معاي ناس بالكليه يرحبون فيني ويعزوني واكثرهم الأن تربطني فيهم صداقات طيبه
لكن البنت الي معاي بالموقف ابصراحه انا فكرت بعقلي وماسويت لها اي شي وخليتها تسب وتشتم على كيفها اكتفيت بمقوله مشكوره اختي كلك ذوق واحترام والله يسامحك
لكن اعتقد انها قذفت بالسب لانها تريدني ان المسها او اصفعها لكي تنقلب القضيه ضدي وخاصتاً انه ماعندها رخصه
بس الحمدلله اني تمالكت نفسي وجلست بالسياره واغلقت الباب وتركتها تقول ماتشاء واتصلت بالشرطه وحلت الموضوع الذي بيننا بكل عدل وانصاف ودون النظر الى انها كويتيه او انا سعودي
تحياتي لك فهد
اخوك
عبدالله الحسيني

اهلا اخواني الاعزاء فهد..شبح ..والحسيني..

صراحة قصتك شبوح حزينة شوي..

بس مدام مافي نصيب لاتزعل انت..

لانه هادا شي من عند الله..

اذا كان لك نصيب فيها...بتاخذها لو ايه

واذا ما كان لك نصيب فيها...الله يكون معاك..

تقبل تحياتي

هههههههههههههههه

الله يقطع ابليسك شبح..

بالله عليك يا شيخ..ما تعرف شكل ابوك؟؟؟؟هههههه

اول مرة اسمعها صراحة..

بس قصة غريبة وموقف رائح ومضحك...

بس انتبه لا تكون ما تعرف شكلك انت كمان...هههههههه

عموما تقبل خالص تحياتي..

اخ عبدالله...

الموقف ياللي صار معك يتكرر دائما هنا في شارعنا السعودي..

انا عن نفسي احكي لكم مشاهدات قصيرة مرت علي في الشارع..

سعودي يضرب هنديا او باكستانيا لمجرد خطاء بسيط في القيادة..

سعودي يشتم مصريا((مع احترامي الشديد للاخوة المصريين)) لمجرد خطاء تافه..

وانا هنا لا اعمم النتيجة...فالبعض فقط يقوم بهذه التصرفات وليس الكل...

نفس الشي في الكويت ..يمكن هذه الفتاة من بين 100 فتاة تتصرف بهذه الطريقة...

على العموم تصرف اهل الفتاة كان سليم وفي محله..

تقبل اعطر واعذب تحياتي..

اخي فهد..

موضوع شيق للغاية..

وانا راح اضيف فيه...

بس خليها شوية كمان ادورلكم على موقف فتاك حصل معايا.اقصد مواقف حصلت معايا وساشارككم فيها في القريب العاجل باذن الله...


تقبل خالص تحياتي

هلا اختي قطره

نعم معكي حق هذه التصرفات كثرت في مجتمعنا الخليجي بكثره وهذا لايجوز العمل به لان الرسول صلى الله عليه وسلم قال في ما معناه انه مافيه فرق بين اعجمي وعربي ولا ابيض ولا اسود الا بالتقوى
فـ لابد ان كل شخص يتواضع مع كل الناس ولا يشوف حاله عليهم وخاصتا على الوافدين من كافه انحاء العالم لان دايما المواطنين يشوفون نفسهم عليهم
انا اقول لازم انتواضع مع الكل ولانشوف حالنا عليهم سواء كان من اي جنسيه عربيه او اسيويه
ولازم علينا احنا كبشر اذا شفنا من هم انزل منا وحالتهم ضعيفه لازم ننزل للحاله الي هم فيها عشان نعرف نتعامل ونكسب ودهم واحترامهم واذا شفنا ناس اعلى منا لابد ان تريه انك مثله تماما
فالتواضع والبسمه في وجه اخيك المسلم صـدقـه

شكراً لكي اختي قطره على التنويه الى هذه القضيه
تحياتي لك
اخوك
عبدالله الحسيني

اخي عبدالله...

قال الرسول صلى الله عليه وسلم((الدين المعاملة))

وكما تفضلت وقلت انه لابد ان نكسب ود من هم اقل منا منزلة..

تقبل ارق تحياتي

اهلين حسيني وفعلا رد فعل ايجابي منك نتمنى كل سعودي خارج السعودية يحسب حساب انه يمثل ديرته في كل شي يسوية وهذا حمل كبير ويحتاج انسان عقله ناضج شرواك يالحسيني
وفعلا الدين المعاملة لكن للاسف كثير ناس الان ما تاخذ الدين في الاعتبار في معاملاتها وان كانوا فيهم الخير يصلون اكثرهم لكن يسنون ربهم اذا صار التعامل مع شخص ثاني
قطرة الندى سعيد جداً بتواجدك ومشاركتك واجب بصراحة راح ازعل عليك لو ما لقيت لك مشاركت في هالموضوع والشيق حقيقة مشاركاتك وتفاعلك الحيوي والجميل والمرح
انا اضم صوتي لصوتك في موضوع ان اسلوب التعامل هذا منتشر حتى بالسعودية وفي جميع الدول العربية انا اذكر من المواقف الي حصلت لي في دولة عربية شقيقة وكثير من اهل هالبلد يشتغلون بالسعودية انهم كانو يسبوني بالشارع وهم حتى ما يعرفوني يسبون مرة على اني كويتي ومرة على اني سعودي ومرة يقولون خليجي ويسبون بعد شغلة غريبة جداً لكن كل واحد يتعامل باصلة سواء كان هالشخص سعودي او كويتي او مصري فالشي الي يصدر منه من فعل مشين راح يدلل على مستوى التربية ومستوى الثقافة الي عنده
انا اليوم صار لي موقف مع واحد اخ من السودان على ما اعتقد من ثوبة باين سوداني وسقط قدام سيارتي وانا كنت اتجاوز الزحمة بالخط اليسار عشان الحق على الدوام وهو مهدي جداً ودخل على الخط اليسار لا اشارة ولا اي شي يوم شافني مسرع قام يشوح بايدينه زعلان ويهاوش انا ما رديت عليه اخذت الخط الوسط واتجاوزته وكملت مشواري لكن فكرت لو اني نزلت وتهاوشت معه او ضربته مثلاً هل الشي هذا حضاري ؟؟؟؟
انا اشوف ابداً شغلة مو حضارية ابداً وخاصة حنا عندنا حضارة اسلامية كبيرة اكبر من الي باوروبا وامريكا لو تعاملنا فيها راح نكسب احترام العالم بشكل اكيد والحضارة مو لبس ولا ماركة عطر ولا قصة شعر جديدة الحضارة تعامل وفكر وثقافة

يالله عااااد لاتسوى فيها مثقفين

ماعندكم ماعندي جدتي

نيهاهااهاههاهاهاهاهاهاهاهااههاهاهااا


بصراحه قطره والله ما اعرف شكلي الين اطالع في المرايه


بس اعرف اني واد حليوه

نيهاهاهاهاهاهاهاهاهاهاهههاهااا

يالله ابي احد يقول موقف صار له علشان ابضحك عليه

واتشمت

بصراحه عندي موقف صار لي مع اخوي

بس صعبه اقولها صعبه بقوه

ان شاء الله راح اتجراء واقوله بس مو الحين بعدين

لما يروحوا البنات

دمتم بصحه وعافيه

اخوكم

شبح بح

شبووووووح شكله صار بينك وبين اخوك زي كذا [IMG]http://fahad1976***********/ggd.gif[/IMG] هههههههههههههههههههههههههه انت ايهم ترى مدري لابسين زي بعض

اقول شبوح...ورا ما تقولنا عالموقف اللي صاربينك وبين اخوك...

بلييييييييييييز..


المهم..

انا عندي موقفين واحد كئيب وواحد حق شماته...

اقول اللي بيضحك اول بعدين التاني..

الموقف هادا حصل ايام كنت اولى ثانوي...كان التاريخ 1 ذو الحجة واكنت المدرسة فااااضية ...عشان بدا الحج..

المهم كنا انا وصاحباتب قاعدين نمشي وندور بالممرات اللي قريبة من فصلنا...كنا بالتحديد تلاتة

الحاصل جت واحدة من ورانا تجررررررررري وتقول المديرة جت وطالعة ...

احنا ماصدقنا خير قمنا صرنا نجري...

والممرات عندنا فيها لفات كتيرة..

ما اقولكم جيت الف من الممر الا وهاتك يا تفحيط على ركبي...

من جد منظر يموت من الضحك ..فحطت باقوى ماعندي...والمريول شاهد علي...لانه على دحين محروق من ناحية الركب من قوة التفحيطة....

بس والحمد لله المديرة ما لحقت الا اصوات ضحكاتنا...

يللا شبوح دورك جا وقت الشماته


تقبلوا تحياتي التفحيطية...

اخ فهد بعد اذنك يعني ممكن تقوللي ايش اسم الاغنية اللي انت حاطها في توقيعك..


لانها اعجبتني صراحة...

ذوقك حلو ماشاء الله عليك..

تقبل تحياتي