هذا واحد هلالي ثقة ( ما يحتاج ) يقول انه متغدي مع المهنا يوم المباراة ( الخميس ) وبالتحديد الساعة 2 وربع ..المهم يقول قلطنا على مفطح عند عضو شرف نصراوي ( بس خويي ما علمه انه هلالي ) وقعدنا نسولف عن الكورة ,, يقول خويي اني قلت للمهنا تكفى اليوم نبي تحكيم صح ,, قال له المهنا ان الله قالها ما يفوزون ,, خويي بصراحة ضاق صدره وقال له من هم اللي ما يفوزون ,, ضحك المهنا وهو يعلك قطعة لحم وقال له مانيب معلمك ( هذا سر ) المهم يقول خويي اني اصريت عليه وقعدت اقطع له من هاللحم و قالي المهنا بس بس ما ودي أكثر علشان اليوم براكض في الملعب ... ايه ...وأجي وأصب له كاس لبن بااااارد يحبه قلبك بس هو ما يذكر اللبن كان نادك ولا المراعي , مشكك ,, المهم يقول يوم شرب المهنا كاس اللبن تغر ذيك التغره اللي ما بعدها شي . وقال ان الله قالها الهلال ما يشم ريحة الفوز وصلعتي ذي مهيب على رجال ان فازو .وشوي دق جواله ورد وقال سم سم طال عمرك ما يشمها الهلال حتى لو احسب عشرطعش بلنتي للنصر .
وواحد ثاني ثقة ثقة من جد يقول انه تعشى مع حكم الراية في كنتاكي ,,, بس ما بعد قال لي وش اللي صار بينهم .