هو المثل المصري عكس كده .. اعرف صاحبك و علم عليه
و المفروض انه بيتقال في حالات الندالة
يعني لما صاحبك يعمل معاك دقة معيلة .. تقوم انت تاخد بالك بعد كده منه و تعلم عليه علامة ندل !
بس هنا بقى .. المثل اتعكس
المفروض ان كنا تعلم على صاحبك .. و بعدين تعرفنا بيه
يعني المطلوب من كل عضو انه يختار عضو ما معين في ساندروز ( مش من برة ساندروز ) .. و بعدين يعرفنا عن رأيه في ايجابيات الشخص ده !
معلش انا ملح شوية .. الايجابيات مش السلبيات
و الايجابيات ( ترجمة ) = الصفات الكويسة في العضو اللي هيختاره سواء صفات فكرية او نفسية !
و بما ان عدد الاعضاء هنا ما شاء الله ضخم .. فهنحط شوية قواعد للموضوع
1- كل عضو يختار عضو ما مرة واحدة بس !
يعني لنفترض ان محمد المصري اختار انه يتكلم عن انجل .. يبقى مش من حق محمد المصري انه يجي مرة تانية و يتكلم عن زمن الغربة
2- العضو اللي تم اختياره من قبل عضو آخر .. مش مسموح باختياره مرة تانية من قبل عضو تالت
يعني لو افترضنا ان انا اتكلمت عن زمن الغربة .. يبقى مش هينفع ان اي عضو تاني يجي يتكلم عن زمن الغربة
3- مفيش تبادل اراء بين شخصين ..
يعني ما ينفعش ان انا اتكلم عن زمن الغربة .. و يجي بعد كده زمن الغربة يتكلم عليا !!
4- دي بقى مسألة بديهية .. بس نقولها برضه .. مش مسموح لاي عضو انه يتكلم عن نفسه
5- ممكن نعمل استثناء لصاحب الموضوع .. و نعتبره من اسر الشهداء
..
حد فهم حاجة ؟؟
نبتدي بقى ..