انتهيـــنا وانتــهــت رحــلة عـــــذابــي
وابتدينــا نطــوي شــراع السفــينه
يوم قلبــك ضـــم حــبي واحتـــــفابي
اصبــحت روحـي لك لحـالك رهيـنه
انت يا مـــسقي زهـــر روعـة شبابي
يــا غـــرام المستــــهام ويا ضـنينه
انت من غيرك عن احــزاني درى بـي
مــن يداوي القلب من غـيرك يعينه
لا تضـــايقك المشـــاعر في عتـــابي
دام مثــلك يـــدرك الــبوح وكنـــينه
مثل ما ادرك وحشتك لي في غيابي
لا احتـواك القـــلب ما بــينه وبيــنه
والله ان اللـي مـن اسـبابك سـطابي
لــو لحـقـت العمر ما تـاقف سنينه
ما حلـى لـيـلٍ تحـت طــيفك سـرابي
لحـظــةٍ بــعــيون محبــوبك ثمــينه
من هـواك اللي بـدا بـي وانتهى بي
مـن يحــس بـلوعة الـقلب وونـينه
في يــديك تــضم فـرحـي واغــترابي
الليالي المفــرحة هــي والحـزينه
والنــهــاية يــا هنـــاي ويـــا عـــذابي
المشاعر في بحــر عيـنك سفيـنه

الوافى