هلا بوناصر......

ابدعت وابدعت وابدعت....

((من ثلاث سنين اجرّ عْروق حرماني لدمّي
وانفض أوهامي 000 والبّس غلطة الأيام توبه ))البدايه........وانتظار

((لين شفت الجرح يلمع بارقه في غيم فمّي
قلت : ما عَن هالرعد وِجْهَه مادام النور صوبه ))الوصول....وفرح
الله يبارك لك.....حلو رغم ان الرعد ما بعد امطر....
يازين شوف الروض وقت الاشراق...الى سقته من الغمايم حقوقه

قال ابو ناصر وقوله عجبنا ...ياهلا باللي كل شعره تعاجيب.....( مقتبس بتصرف)

شكرا لك...وتحياتي..؛
أخوك...؛

مشكور يالغالي

تسلم على هالكلام الحلو أخوي شيروود

مساء الجمال ( بو ناصر )

ألم أقل لك أن المفردة .. عندما نضعها في غير الذي أعتدنا عليه

( تجبرنا .. على ملاحقتها ) فقط ( تحتاج إلى مهارة وبراعة )

وأنت ( أيها الشاعر الرائع ) قد فعلت ذلك بكل ( حرفنة ) في هذه القصيدة ( التحفة )



( قصيدتك فاتنة ) .. أخذتني من قلبي

عصفت .. بملاذاتي ( النرجسية ) ... ( أنبتت في داخلي تنهدات ملوّنة )

يالك من رائع ...

أخرج من بيت لأنتقل للآخر ... فتتبعني ( البشرى والبهجة .....

وزهور البنفسج ( تتدلى ) من قميص ( روحك ) .. أقصد ( قصيتك )

--------

لا أدري حقا .. كيف سأختار ( من أحد الأبيات لأختتم بها ردي ) ...

ولكن ... ( أحاول وسأكون عادلة لأقصى حد )


ليلة البارح نبت ريش الفرح في جلد همّي
قلت : والله غير أقص الحزن وافرِّغ جيوبه
من ثلاث سنين اجرّ عْروق حرماني لدمّي
وانفض أوهامي 000 والبّس غلطة الأيام توبه
واثرني لا نيب من ثوبي ولا من ثوب عمّي
وش علام الياس شرّعني لدربٍ ضاق ثوبه ؟؟؟
لا رحم وقتٍ يدس أحلام راسي وسط كُمّي
كلّما هيجنت ملح الطّيب 000 ما فاحت عذوبه
آه 000 وكفوف المسا نجمه تجي واقول : سمّي
للفراق اللّي رمى وجهه وجنَّب عن ذنوبه
والله انّي كنت أمدّ بْساط مدحي فوق ذمّي
ما دريت إن الزمان يسوق رملي في هبوبه
لين شفت الجرح يلمع بارقه في غيم فمّي
قلت : ما عَن هالرعد وِجْهَه مادام النور صوبه
إيه أنا حرفٍ يثير المجد في كرّاسَة أمّي !!!
علّموها إن البحر حبري وصحراي مهيوبه
وصّلُوها ضحكةٍ ماها يطهّر صدر غمّي
قولو إن أرضي قوافل نور وسْرور وخصوبه
والطّيور من الوَلَه كبْرَت ومال الغصن يمّي
عقب ما اعشوشب غلا الخلان واسرف في دروبه
هذا أنا مثل النهار أحضر على كيفي وكَمّي
لا استعذت من الدّجا نوبه 000 أشع الفين نوبه

---------



دمت .. رائعا

تسلم يابوناصر على هالقصيده الرائعه ....

أحسنت الإختيار كعادتك .... رائع دائماً يامشاري ....

تغيب وتأتينا كالرذاذ البارد في عز الصيف .... أو كالسحابه ....

لا عدمناك يابو ناصر

أبو ناصر***

أشد على يدك على هذه الرائعه..... ودعني أهنئك على ريش الفرح الذي نبت في جلد همك
(( لين شفت الجرح يلمع بارقه في غيم ..فميّ ))
(( قلت : ما عن هالرعد وجهة ما دام النور صوبه ))

********************واسمح لي بهذه..وبها مزحه بسيطه فاقبلها مني
وقبل ليلة البارح ...شفته بهذاك الدرب .. مترمي
ما ادري والله !!..بمطلبه ..هي إنها الهنوف أو إنها واحده دبدوبه..
وعلموه إن ما طال قيس بهوى ليله.. كثر ما طالني همي
بس شفني أنا.. ما قل عقلي ..ولا ضيع دروبه
ومن هو مثلي بالهوى تبعثر.. وما له من يلمي
قدر يقول : خلني بحالي ..كان ذا طبعه..وخله بعذروبه

تحياتي للابداع.. وتسلم

انظر الى الصورة ترى ردي!


أحيانا الصورة تغني عن ألف من الكلمات!