مليت الصبر
اعد ساعات الايام
اصبر والوعد قدام
طالت المده وصارت امل
وصارت ايامي كلها ملل
مليت الصبر
وضاق الصدر
لكن ابي اصبر اكيد
والملل والزعل ما يفيد
غصب عني لانج اغلى حبيبه
شب قلبي شوق وزاد لهيبه
مليت الصبر
وعرفت السهر
ولهان لشوفتك ابيك
افز من نومي اناديك
انتي يالي ساكنه وسط الضلوع
ليله لقانا ليله تملاها الشموع
مليت الصبر
وتراني بشر
حسيت اني احبك بازدياد
انتي الغايه وانتي المراد
كل واحد في حياته شي وده يصير
وانا حلمي انتي بحققه لو انه عسير
مليت الصبر
وما اظن قلبي حجر
لو قلبي حجر لاجلك يلين
قلبي معاك قلب حنين
يا قره العين لا !!لا يطول الوعد
القمر والنجوم كل على صبري شهد
مليت الصبر
وهذا القدر
القدر حال دوني ودونك
ما يبيني اناظر عيونك
تبيني اسهر اكثر من هالليالي
اصبر بدونك واسهر لحالي
مليت الصبر
وآآه يا القهر
اسهر الليل واعد النجوم
يبان النور والطيور تحوم
تبان الشمس وانا سهران ظليت
خاويت جو الليل والله مليت
مليت الصبر
لكن !!!!ابي اصبر
شعر ...العـــــاطفي




خاطره عابره نشاءالله تحوز على رضاكم