حنا ابتلينا في قناة الجزيرة .. تشب نار وتطـــــــفي النار بالنار
ماتستريح الا ان شبت سعيره .. ترتاح من شوف العلاقات تنهار



تبي حدى الاخوين يسحب سفيره .. كل يدور له مع الشط معبار

والعذر تبحث عن قضايا مثيره .. على ظهرنا بتكسب اصحاب وانصار



متصورين ان ايدينا قصيره .. وليا ضربنا الارض مانطير غبار

لعبه لعبتوها تراهـــا خطيره .. ما عندكم غير الكويتي مع الجار



لاوين ممشاكم بعكس المسيره .. كل الخليج يمين بس انتم يسار

راي معاكس فكركم من يديره .. يمشي حسب رغبات كاظم وجبار



من باع نفسه مايخون تعبيره .. لاحولوا في حسابكم جم دولار

عزي لمن هو صار هذا نصيره .. الوجه عابس واخر الاسم عازار



وسميح سمح خاطره ياعشيره .. والاخر الحداد في ركبهم سار

وفيصل معاهم دش نفس الحظيره .. صاعد ونازل ياكل القرش منشار



وتجمعوا والمايده مستديره .. شي يخلي صاحــــــب الفكر يحتار

من عقب ماهم يفرشون الحصيرة .. من سبنا صاروا زناقيل تجار



صاروا لراعي الظلم عون وذخيره .. يساعدون الجار حتى ولو جار

يامحترم راعي - العباة- القصيره .. ياللي مقاضيبك عظيمات وكبار



يومن صاحبك المدافع تديره .. ماشاف لك فزعه ولا شاف لك كار

واليوم جا فيكم حميه وغيره .. بالفعل مامن فعل بالحجي شطار



الميل واضح والنوايا خطيره .. بطل جريمة ظلم ويوزع ادوار

لوكان واحدكم يحكم ضميره .. ماصف مع زمرة هل الظلم الاشرار



لاوين ممشاكم بنفس الوتيره .. غش بنقل اخبار كذب بالاخبار

كذبه كذبتوها كذبه كبيره من عقول صغير .. تضليل للي متابع عبر الاقمار



مايقتنع فيكم سوى اعمى البصيره .. تبون رفع احصار؟ من يرفع احصار

لو السؤال الصعب هذا نثيره .. من استباح الأرض من دنس الدار



الطفل مرت بع ظروف عسيرة .. بالظلم يحرم طفل من والد بار

بالليل دمعاته تبلل سريره .. والأم من زود الألم تجرع أمرار



عديت بلوى من بلاوي كثيرة .. اللي حصل في ابلادنا مابعد صار

نبي الاسير ونبي الاخت الاسيرة .. ونبي مطالبنا تحقق بالاصرار



يالمحترم قول لقناة الجزيرة .. حنا اصحاب الثار مانترك الثار

طلال السعيد

---------------------------
وهذا الرد

حنا انتهجنا الصدق ، ولا نريد غيره .. ومن عاشر الأحرار - يرضى بالاحرار

قناتنا - حبٍ عــــــــــــــدلٍ ، وغيره .. وهي وجهة العقال - اصـــــــــغار وكبار



يوم ٍ بنيناها ، نــــــــــــــــــــبيها نذيـره .. لهل العقول ، ماهي للعود والطـار

ماطبّـلت لهل الكراســـــــــــــــــــــــــي الكبيره .. تمدح فلانٍ كل ماحل ، أو طار



حيادة الأخبار عنهـــــــــــــــــــــــــــا شهيره .. ولا هي من اللي عاريه تظهر العار

سوالف الحســــــــــــــــــــــــــاد - عنـــها وفيره .. ولا همنا من كل حاسد وثرثار



قالوا عميله - وقالوا عــــــــــــــنــــها أجيره .. وقالوا تبث حـــقود صفرا والاكدار

ولو اصدقوا - ماكان صارت أميره .. على جميع البـــــــــــــــــــث تستقطب انظار



تبحث دروب الحق ، ثمٍ تنــــــــــــــــــــــــيره .. من كل فج ٍ تابعـــــــوها والأقطار

ومن لايشوف الحق - عينـــــــه ضريره .. ماينفعـــــــه دربيل _ ولا عين منظار



راي ٍ مـــــــــــعاكس ، وكــــــــل راي ٍ يشيره .. واللي سمع غيره - ماصار كفار

ناس ٍ تحــــــــــــــــــــدر وسط جب ٍ غزيره .. وتجيب لك مكنون خافي والأسرار



ناس ٍ أياديهـــــــــــــــــــــــــم أكفاء ٍ خبيره .. هم عارفــــين ال لعبة القط والفار

ياعل يسلم كادره - في كل ديره .. ويمضون ناقــــــــــــــــوس ٍ وللحق مزمــار



ومن يزعجه صوت الصحيح وزئيره .. ابتخدعه يومن ـ حقيقـــــــــــــــــات الأقدار

نقدر الأخوان - وللكل جيره .. واللي وقف لصغار -يــــــــــــــــــــوقف للكبار



وعلى العراق اليوم ناسٍ حقيره .. أخواننا بالدين - والديــــــــــــــــــــن معيار

حنا على درب ٍ - مصيري مصيره .. حنا أهل - ماهو زواجٍ بـــــــــــــــــــــــــمسيار



أطفالهم جوعا - ويدهم فقيره .. والشعب مظلومٍ من كـــــــــــــــــــــــــــــــل غدار

واللي ترك ذيب ٍ يــــــــــنهش قصيره .. مابه نفع يافلان - لوجبت الاعذار



عجبت من شخص - وفي النفس حيره .. كيف ينتقد شرع ٍ وهو يرفعه شعار

كل من يخالف رايهم - الله يجيره .. سموه خداع ٍ وخشاش مكـــــــــــــــــــــــــــار



ياحيف ياقناص ، ياكله طيره .. ومن غرقه شبر ٍ فـــــــــــــــــــــلاصار بحار

!! لوهي من ارض الغرب - صارت جديره .. لكن بلاك انّا على بــــــــــــــــعض شطار!



لا ماتفك الحظر - ربك قديره .. بس ماتوقف ضد مــــــــــــــــــــــــسلم لفجار

وفي آخر بيوتي كلمه أخيره .. بودي ألبسها على شـــــــــــــــــــــــــــاعر اسوار



راعي العباة اللي تقوله قصيره .. ضمّـتك يومك عـــــــــــــــــــاريٍ صارت اخمار

راعي العباة اللي يكّـرم حريره .. يومك تـــــــــــــــــــــــذرى كانت الظل وستار



ذيك العباة اللي بليلة مغيره .. منها خذيت الدم والــــــــــــــــــــــــروح تذكار

واليوم صارت لك بعينك صغيره .. لاتامن الدنيا - ترى الدهــــــــــــــــــر دوّار



شوري عليك اليوم تحفظ جبيره .. ولا ترمي بيـــــــــــــــــوت المحاصين بحجار

يامحترم - بلغ طلال ٍ وغيره .. من يتبـــــــــــــــــــــــــــع الحق - ماعنه