[poet font="Simplified Arabic,4,black,normal,normal" bkcolor="" bkimage="http://www.sandroses.com/abbs//backgrounds/17.gif" border="none,2,gray" type=0 line=200% align=right use=sp char="" num="0,black"]
طفل تكسر لعبته بين يديه
........................وان صاح ماحصل شفوق يزمه
وان جا ينام وقام يفرك بعينيه
.........................ماحصل ضلوع حنونه تضمه
والمسعد اللي من خوانه يبكيه
.........................لجله يتيم مفارق شوفة امه
جاها قضاها يوم هي حامل فيه
..........................وابوه ماعادت حياته تهمه
يخطي عليه وزوجته ماتدانيه
..........................ويفرح ليامن زار خاله وعمه
ياحسرتي ماعت من الضرب خديه
..........................وياكثر ماينزف بلا ذنب دمه
ويشوف زول امه بالاحلام ياتيه
...........................ومنديلها بيده يصيح ويشمه
ويشكي على امه في منامه مآسيه
............................ويقول ليش الناس دايم تذمه
يمسك يديها خايف لا تخليه
............................في خوفه وذله وضعفه وهمه
طفل تشيب رموش عين تراعيه
.............................تصبح مزون بدمعها مستحمه
لوشافه الطربان تكثر بلاويه
..............................ولوشافه النمام ينسى المنمه
الطفل مثل الزرع بالعطف تسقيه
...............................حب نثرته في حنانك تلمه
قالت له امه في وداعه توصيه
..............................اصبر عسى المولى يحسن متمه
قال انتي اغلى من مشن فيه رجليه
................................ولااعوداقول لزوجة ابوي يمه


وسلامتكم

الطير المسافر ؛
[/poet]