شفت الجمر من حمرته يتــقــد.....
والسيل من قوته يجرف ....
و الهموم من كثرها تهلك ....
الجمر يصبح رماد ......
والسيل بأخر طريقه ينتهي....
وهمومي تزيد وتكثر...
لا هي اللي قضت علي فترتاح ....
ولاني اللي تخلصت منها فأرتاح ....
للهم قصه طويلة .....
ترويه بحور الحياة وتسقيه ...
الشجر يزهر ويثمر ...
وهمي يكبر بلا ثمر ...
الدنيا تدور وتلعب وهو واقف يتحدى بكل ثـقة....
مدري هو صديقي ولا أنا صديقه....
مدري هو عدوي ولا أنا عدوه .....
مدري من فينا الصادق ....
من فينا حضن الثاني وتعلق به ...
اسئله واسئله بلا أجوبه ....
يا ترى من بيسافر ويترك خويه ...
ومن فينا بيحن للثاني ..
اظنه وفي وصادق في حنانه .....
اذا فارقته ساعه يشتاق ويجيني ولهان ....
مقدر أبين له كرهي ...
كيف وهو ينبض ويحيا بي ....
معقولة بيجي يوم يفهم الحقيقة ....
ويرحل يدور على غيري خوي .....
أو أنا أصير قاسي بزيادة ...
و أطعنه في ظهره غدر .....
وهو مسكين في منتهى البراءة ....
ما أظني أقدر لسبب واحد مقنع .....
لأني لو كنت قادر كان سويتها من زمان ...
لكن هذي الحقيقة مره ....
ومرها يروي اطراف كفوفه .....



تحياتي

حنــــون