[poet font="Simplified Arabic,4,indigo,normal,normal" bkcolor="" bkimage="http://www.sandroses.com/abbs//backgrounds/30.gif" border="none,2,gray" type=0 line=200% align=center use=ex char="***" num="0,black"]
زعلان مني .. نحسابك إلا سامحت خيبت ظني ..قلبك علي مليان.. زعلان مني
واضح انك زعلان = وتريد عذر يسهل النسيان
طريق الجفا ساهل علي اللي هان = وسهلت عليك تهون وتهوني
نحسابك إلا سامحت في اللي كان = سبحان كيف قدرت ع التجني
وقدرت تنسى في زمان زمان = وقدرت تبقى بالجفا متهني
وقدرت تلقى صبر ع الهجران = لا عاد تنشد لا يهمك كني
زعلان مني
نحسابك إلا سامحت = نحسابك إلا حسيت اني انجرحت
غلبني بكاي وبالدموع شرحت = وبكيت بيت ايديك غصباً عني
خسرني زمانك والعذاب ربحت = وزولك أني ننساك ما مكني
من حسبة ايام العمر ليش طرحت = الذكرى الدمعة الحلم والتمني
وقدرت تقسى قسيت ما سامحت = أحضانك ملاهن صبر ما حضنني
زعلان مني
نحسابك علي صبرت = وقبلت اعتذاري لما انا اعتذرت
بالمغفرة ذنبي شملت غفرت = بعفوك مسحت دموع ما خلني
نصبر بلاك وفي جيتك تأخرت = طال انتظاري نسيتني نسّيني
زولك وذكريات ما اصورت = ضباب نسيانك حجبهن عني
حسيت اني ما عليك خطرت = متعمد انك تاخذ زمانك مني
ونحاول اني ننساك كيف ما انسيت = وننسى محاسن فيك عمر خذني
وانقول اني ما مشيت وجيت = وياما ذرفت دموع نين عمني
ليالي غيابك طولن وما جيت = وجيتك وانا مشتاقلك متمني
رديت منك دمعتي كفيت = عنك بعد كفيت روحك عني
وزعلان مني


[/poet]

كني = الحال
بكاي = بكائي
نين = حتى



سلامي ......

................حسن