مساجله خاصّه

**جلال الخالدي** · 20-05-2001, 08:46 PM

عين عبعال عين عبعال

لقيتها

علا ما هالقسى قلّي علاما
................. عللا ما تبتعد يانور عيني
عداما حالتي صارت عداما
................ وشاب الراس ولا به من يعيني

نون

ياليالي

**The-Maneger** · 20-05-2001, 08:51 PM

هذي توني قايلها

مرحبا

رحت وجلست مع مخي شوي وتقهوينا وقمت اتشاور انا واياه عشان هالأبيات واخيراً وافق ههههههههههه

احبكم حب ماله مثيل

هم منتدى وش زين أهله

ناس كل من فيهم جميل

يحبون المزح وأكثر من كذه

بعدين نعطيكم الباقي خخخخخخخخههههههههههه

**جلال الخالدي** · 20-05-2001, 09:25 PM

صح لسانك يالمدير

جلسة مخمخه أجل

عموما انا ماعندي حرف الذال ...
يالله ياشباب

**بنت البادية** · 21-05-2001, 06:10 AM

هذي المداخله للتوّّّّ طالعه

ذيك الليالي اللي قضيناها سوى
تسوى العمر كله يازين بالنجوى
باترياك طول العمر ...بلا قسوه
اريدك جبني هناحبيبي تكفى

الى لقاء اخر

**ليالي الشوق** · 21-05-2001, 06:26 AM

عزيزتي ..مداخلاتنا كلها تكون طازجه ..ما عندنا شيئ بايت..ما لاحظتي‍‍‍‍‍

المدير..يسعد أوقاتك

تسلم والله..
أخوي جلال ...إشلونك؟؟

..لا تنسينا الميلون ..أعرفك زين‍‍
بنت الباديه ..كيف أصبحتي؟؟

أي والله تكفى...

الفاء..

في القلب ساكن ..ولخاطري سلوى
........حبيبي وصاحبي ..وغيره فلا يسوى
وصله مناي ..وروحي ترى فدوى
........يتظاهر بالجفا..وهو ولا يقوى

الواو..وااااااااااااااااو..مسكين شيروود ‍‍كسر خاطري ..قريب بيخلص إسمه

**بنت البادية** · 21-05-2001, 06:37 AM

من جديد

عالصبر والله ماني قاوي
ياريت تدري وش تعني له
انته جرحه وانته المداوي
وانته لي صبحي مع ليله

وفي انتظاكم حرف اللام وشرايكم

**ليالي الشوق** · 21-05-2001, 07:12 AM

هلا..

المدير..إشلون تلخبظ لنا السالفه..المفروض حرف النون

يالله ارجع ومخمخ وتقهوى مره ثانيه ..واطلع لنا بحرف النون ..عاد طرش لنا شويه من القهوه ..ولو إني ما احبها ..أحب الكاباتشينو..
جلال ..خلك في الخط يا اخوك

حرف اللام ..يابنت الباديه .ز

ليله وراء ليله يالغضي
....ناطر وصلك..عسى انك تجيله
والعمر يمضي وقرب ينقضي
....وانت الحزن سلوتك وسارح بليله

حرف اللام..يا جلال..لاتقول ما تحبه آخر حرف مو جيم

**نجمه** · 21-05-2001, 12:46 PM

لكم كل الغلا....

وصدقونى اتابعكم عن كثب............حلوه (كثب ) صح ؟؟؟؟

ترا ماتجى دايم!!!!

هلاا ببنت الباديه.وبالاخ(sh1122).. وياشيرووووود والله فتشنى مالك عندى ولا واو... الا لما يعجبنى بيت من كتاباتك اقولها....

يسعد لياليكم واياك اعنى ياجاره......

المدير سؤال محيرنى...... انت لما ماتجلس مع مخك , وين يكون فيه؟؟

حرف اللام

ليل القصيد ابيض وهموم ليلى سود
................................وظلى على القمرا في داخلى ساري
من كان السهر له حد ماللخيال حدود
................................ولاللفرح ميعاد في سـكـة اسفاري

وسلامتكم

**جلال الخالدي** · 21-05-2001, 01:25 PM

أهلين نجمه ...وين الناس ؟؟

مليون هاه ياليالي ..

مافي هههههه

الراء

راح وتركني منهو يمّي يعيده
.................... فرقاه يانايف تراها بليّه
أشكي فراقه يالرفيق الوليده
.................... محبته ياخوك ماهي شويّه
ليت الزمن يمشي على ماأريده
.................... لكن رداة الحظ صارت خويّه
تمايلت فيني حظوظٍ زهيده
.................... وتعوكست فيني حياةٍ رديّه

ياء

في أسهل من كذا بالله

**ليالي الشوق** · 21-05-2001, 02:16 PM

لا ما فيش أسهل من كده!!

هلا والله بالكل ..
ونجمه ضويتي المكان أخيرا ...هلا بك والله...بس حلوه عن كثب ..وايد عجبتني
وشكلي با مخمخ عليها ..عادانا الله يهداه المدير..

االياء ..يا خبير الاجرام ....يا جلال ..حتدفع يعني حتدفع..

يومي وأمسي قضوا وروحي رهينه
...والعمر كله ضاع ..والشوق قايد..
أرخصت باقي هلي ..من أجل عينه
...وهو يجافي ويبتعد وبالصد زايد..

يالله ياء بعد ...نحب السهوله احنا..

**جلال الخالدي** · 21-05-2001, 02:31 PM

تحبين السهوله هاه ... طيحتوني بالمستشفى وصارت حياتي رعب ..
أمشي وأتلفت من الخوف وتحبين السهوله

ياء هاه ..أبشري
وبعدين وين النااااااس ..

ياشوق أنا أرجوك لاتتركني لحالي
....................... يامن يعذّب حبيبٍ ما خطا لِله
حالي خطيره وأنا أتحرّاك يالغالي
....................... ياويل منهو فقد في دنيته خلّه
تعال وبأقبل كثير الظلم ياغالي
...................... لأجلك دوا اللي يحب وعلّته علّه

لام

**ليالي الشوق** · 21-05-2001, 09:31 PM

مرحبا ..جلال

لام ها؟؟ليالي يعني مشكله..

الياء ما كان سهل يالظالم ..كتبت منه معلقه وتقول مو سهل!!

لا تلوم القلب اللي ما هو خالي
......من عذابه مكتفي وبهمه خله
رغم الجفا والصد ما هو بسالي
......وويل الذي هواه صار له عله

ردينا على اللام

**جلال الخالدي** · 21-05-2001, 09:50 PM

هلا

أهلين ياليالي ..
والله اللام صعب

ليالي الشوق والشوق إعتراني
........................ فقدت الخل من تسعين ليله
ليالي مـانسيته لـو ثواني
....................... ولا فكّرت فـي خـلٍّ بـديله
ظناني الشوق وثوب الهم كساني
....................... ياويل القلب لافارق خليله

كمان لام

**ليالي الشوق** · 21-05-2001, 10:08 PM

لام يا جلال

هلا والله جلال..

حرف اللام ....

لاجاك هاجس مثل الذي جاني
.....ما عرفت النوم يا خوي ليله
الشوق قاوي والحزن طواني
.....مسكين منهو منا مفارق خليله

لام تاني وتالت

شكلنا ما بنخلص منها هاللام

**جلال الخالدي** · 21-05-2001, 11:28 PM

أنا ترى رديّت على طول بس شبكتنا ..ماتتعطل أبد

ماشالله ..

لام مره ثانيه ..

ليالي والله ماتدري بحالي؟
.....................سهر وهموم وأوجاع ٍ كثيره
تذوق الناس طعم الحب حالي
.................... وأنا حبّي يذوقني مريره

حرف الراء

**ليالي الشوق** · 22-05-2001, 06:33 AM

كيف الحال ؟؟

السلام عليكم ويوم سعيد انشاء الله للكل..
أخوي جلال ..أول شيئ قبل لا ادخل في حرف الراء عندي إقتراح ...ما أكثر إقتراحاتي!!!
اسمع تخصص جائزه وقدرها مليون ريال للي كتب أحلى الابيات

..بعد ما تنتهي هذه المساجله ..إشرايك

فكره جميله !!تجنننننننننننننننننننن!!!

عموما ..انت وضميرك!!

الراء يا ابن الحلال ..راء..

راضي بظلمه حبيبي وراس مالي
.......وما غيره أنخي ..لقلبي وأستجيره
حاولت انا أسلى وعنه ماني بسالي
.......له غلا بالقلب سيدي وأحلى عبيره
منيتي وصله لأجل يرتاح بالي
.......وأكتفي بقربه و لو حسبني منيره

راء يا إخواني

**جلال الخالدي** · 22-05-2001, 12:36 PM

هلا ليالي

شكرا على الاقتراح ..الغير جميل ..والغير المفيد ..والمخيف

هههههه
ناقصين حنّا مليون ثاني

مرفووووووووووووض

ربيع الـعـمـر والله ماصفالي
.................... ليالي علميني ياخبيره
لاصـار الـخـل متغيّر وسـالي
.................... وعني صايرٍ وجهه يديره
أحبه حـيـل ولا نـومٍ هـنـالي
.................... وليلي مابقى ضيٍّ ينيره
وش الدبره؟ياضيق اليوم حالي
.................. ليالي مالي أحدٍ استشيره

كمان راء

**بنت البادية** · 22-05-2001, 12:51 PM

راء حرف الراء وش نكتب يلا فكري يا بنت

اوكي

رجيتك يالغلا تسمح تراجع في الهوى حالي
تمنيت اني اكون على طول الدهر غالي
اكون بعالم ثاني مع اللي ساكن ببالي
ولكن للاسف باين انك ابد ما تبالي

يلا

لااااااااااااااااااااااااااااااااااااااااااااااااااااام

**جلال الخالدي** · 22-05-2001, 12:57 PM

حياك الله

أهلين بنت الباديه

ليه حرف اللام من بد الحروف
................... ليه هالعقده يابنت الباديه
مرحبا بك كثر ماعدّوا الوف
................... مرحبا ويعطيك ربي العافيه

ياء

**بنت البادية** · 22-05-2001, 01:08 PM

هلا جلا ل

يا هلا بمن قال والفين هلا
حييت بك احلى تحيه يا غلا
انت دوم في البال يا زين الحلا
عسى الله مايفرقنا ولا كل الملا

وحرف اللامممممممممممممممممممممممممممممممممممم بعد ماراح نفتك منه

مساجله خاصّه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة