مساجله خاصّه

**جلال الخالدي** · 24-05-2001, 01:33 AM

أهلين شاكر ... ماشالله عليك

هلا ليالي ... والله موجود بس الجهاز الخادم مشغول ذبحني

إعذروني
والله يعينك على تحصيل الديون

هلا بك كثر ماشانت ظروفي
....................... هلا بك كثر منتي تلحقيني

على المليون وآنا ازداد خوفي
...................... من اللي من شمالي ومن يميني

ألا حسبي على اللي مايروفي
...................... بمسكينٍ وقع في عرض ديني

حرف النون

**ليالي الشوق** · 24-05-2001, 08:06 AM

يعني ما كنت الوحيده

هلا والله اخوي جلال ..
الحمد لله انا كنت معتقده ان السرفر ذابحني لحالي ..بس اتاري الكل كان منه يعاني

كيف الحال الجميع..
حرف النون ..
نور عيني يا الورد بالله شوفي
.....شوفي جلال واش به ..و وينه ما يجيني
وإسئليه بالله وعزته..بي يروفي
.....من غاب عني ما عرفت شمالي من يميني..

حا هريك يا جلال ...نون كمان

**sh1122** · 24-05-2001, 01:43 PM

هلا بكم جميعاً

الصراحه أنا البارح ودي أرد وياما طلعت وياما دخلت وطفيت الجهاز وقمت بإعادة التشغيل .
( وصار الدعوه عند الجميع ألحين ارتحت )
ذبحتونا بالنون دورو غيرها . يالله الشكوى لله .
ـــــــــــــ
نويت اليوم أرتاح وأريح بالي
............................ مير ان الحبيب اشغني معاه
قلتله ريّحني ولـو لثواني
............................ تراي مهمـوم وقلبي معاه
ـــــــــــــ
وشكراً .
حرف ( الألف )

**جلال الخالدي** · 24-05-2001, 07:53 PM

هلا ليالي ... ومرحبتين بشاكر

أيه أحبّك وأحلف بربّي أبيك
.......................ماشغل عقلي سواك انتا احد
مامعك في قلبي ثاني او شريك
......................لا ولا غيرك على بالي ابد

باء

**ليالي الشوق** · 24-05-2001, 11:26 PM

السلام عليكم ..

مرحبا أخوي جلال ..
اشوفك ابروحك ..وين الربع عنك؟؟؟ لا يكون تعبوا

حرف الباء ..

باللي سكن خافقي البال مشغول
...................غايب عني ..وينه ما سأل علينا؟؟
أهواه ويهواني ولو هو ما يقول
..................أدري بغلاتي تحرقه ووده يجينا!!

نون

**بنت البادية** · 24-05-2001, 11:35 PM

هلا والله ليالي

نورتي يالغاليه منتدانا
...................... وانتي اعلم بانه يضمنا كلنا
هو ملاذنا اللي يجمعنا
......................مع الناس الطيبين وشروانا

يلا بعد النون يالغاليه

**NA2000** · 24-05-2001, 11:51 PM

تحياتي للجميع ..
أسمحوا لي بهذه المشاركة المتواضعه

ناظرتها وفي خافقي رعشة الخوف
................ أخيلها قمـرا تعانـق دجـى الليل

ظميتها بتحـنان عاشـق وملهوف
............... ودمعة فرح تجري على الخد وتسيل

حرف الياء

**جلال الخالدي** · 25-05-2001, 12:10 AM

هلا نايف

صح لسانك على هالأبيات الراااااااااااائعه يانايف
شاعر منت بسيط والله ... وينك من زمان ياخي ؟؟!!
ياء هاه

يابوي انا محتاج لك حيل وآبيك
.......................... لا لا تفارقني وتنهي حياتي
ابيع انا عمري ولا شي يأذيك
......................... الله لايـامـر علينا بشتاتي

حرف التاء

**جلال الخالدي** · 25-05-2001, 12:58 AM

وينكم ؟؟؟ طفشت لحالي

تنام العين ؟؟لابالله تسهر
......................وتذكر صاحبٍ ماقد نسيناه
نسانا من سنه ولاقد تذكّر
..................... حبيبٍ مرخصٍ عمره للقياه

حرف الالف

**NA2000** · 25-05-2001, 01:11 AM

هلا فيك ياجلال ..وسلمت يمينك على هذه الأبيات الجميلة
وأسمح لي بالمشاركة مرة أخرى

أنتى صدى النسيان صوتك ورى الشمس
................. في موعدك لاحت نسايم هبوبي

انتى اصل صـورة تلاشـت مع الهمس
................ تذكار ماضي ظيّعـنّـه دروبي!

حرف الباء
على فكره تراها من الأرشيف
تحياتي لك

**][الورد}[** · 25-05-2001, 05:03 AM

السلام عليكم ؛؛؛
معاكم ؛؛؛

بيت على الطاااااااااايرعشان اقول اناااااااااا معاكم

بكلمه الحب والغرام انخدعنا

وبعض الجروح تصير عاهات

حرف الالف

**ليالي الشوق** · 25-05-2001, 09:16 AM

تحياتي..

مرحبا إخواني،،
جلال الخالدي ..من اللي طفشك ؟؟؟ وين كانوا عنك الناس؟؟ده انت تطفش بلد يا أخي!!
NA2000 فاجأتني بجميل ابياتك ..هلا والله
الورد...اشوف صرتي شاعره

مرحبتين

حرف الألف..
عموما اللي كتبته مو عاجبني بس هاكم:
أنت لعيني نورها ..دون البشر
..........بعدك العمر إحتضر وبانت مناياه
أنت ياروحي قدر ..ومالي منه مفر
............إن غاب عني غابت الروح وياه

حرف ألألف..

**جلال الخالدي** · 25-05-2001, 02:03 PM

أهلين بالورد

أجل أطفش بلد هاه

ياليالي ... وترى الابيات ( ماودي أقول )حلوه للأسف

الف هاه

ألا ياحظي المقرود وألا يادنيتي الغبرا
................................. كفاني جور يكفيني ترى ملّيت أيامي
أنا المشقي وأنا المبلي وأنا اللي مانفع صبرا
................................. وأنا اللي لابغيت أنسى خطاي ألقاه قدّامي
وأنا اللي ضاقت أيّامي وصارت كايده عسرا
................................ تمشيني وتودّيني عكس ماكانت أحلامي

حرف الميم

**ليالي الشوق** · 25-05-2001, 02:22 PM

مساك الله بالخير أخوي جلال..

عندك شك إنك تطفش بلد؟؟

أجل عجبتك الابيات واعترفت ((مغصوب!!)) انها حلوة ...والله مو عاجبتني اليوم يبين ما في شيئ عاجبني بالمره..
نخش في الوضوع...

الميم...

مسامحه يا نفس عليله ودي اليوم تبرا
............يكفيني شقاي ويكفي لنفسي ملامي
كل ما دقيت وتد صادفته بحجر عثرا
...........الناس دربها فرح وانا الحزن قدامي

عودا على الميم...

**جلال الخالدي** · 25-05-2001, 02:51 PM

أهلين

أجل اليوم ماش

الله يفرجها عليك

ميم

ما أحد يرفق ولا في لي حبيب
........................... ولا صديقٍ بالزمان يحنّ لي
إن بغيت أنسى جروحي ماتطيب
.......................... واعسى يرجع زمانٍ مر لي
وحدتي صعبه وحالي كالصويب
......................... ناثرٍ دمّه وهو بأرضه خلي
طالبٍ موتي ياربي مو غريب
........................ ويش أسوّي دام حظّي منجلي

لام ياليالي

حرفك

**ليالي الشوق** · 25-05-2001, 04:10 PM

وعليك يا خوي

خلها على الله يا خوك ..شكلنا كلنا في الههم سوى

حرف اللام ..اكيد قطعت شعرك من القهر

ليتها اليالي لي الغالي تجيب
.........منيتي ساعه لو يمر عليَ
مشتاق لي ادري ظني ما يخيب
........لكنه عنيد ويحلى له التغلي

لام ..رجاء غيرها جلال ..ترى ضغطي مرتفع منها

**بنت البادية** · 25-05-2001, 04:16 PM

شكلها بعد لام

لا خلت دنياي منك يا حبيبي
.............................يا غلاي انته داري بحالي
من غيابك انا ضيعت دربي
............................ليتك ترجّع ياحبيبي امالي

المشكله يا اختي ليالي ان الحرف الوحيد اللي راضي يطلع اللام شنسوي

**جلال الخالدي** · 25-05-2001, 04:28 PM

ههههه

ياليل اللامات أنتم وش فيكم على اللام ؟؟؟؟؟؟؟؟؟ أكرهه

ماشالله يابنت الباديه بعد لام !!!

لقيتها

ليت الهموم شوي عنّي تهدّي
...........................وليت الحزن ينزاح عنّي دقايق
أصبحت أناظر عمري عنّي يعدّي
.......................... وأنا طريح البارح وفيه عايق

ياء واللي يجيب لام مو أحسن له

حرف ياء

**بنت البادية** · 25-05-2001, 05:42 PM

ياء ياء ... وشفيها

ياترى منهو اللي درى بحالي وشفيني
.......................................اصارع الموج ولا حد بداري فيني
تعبت اصبر واداري الشقا بعيني
.......................................وتعبت انادي بالغلا اللي عايش فيني

**جلال الخالدي** · 25-05-2001, 07:39 PM

هلا بنت الباديه

نون والله بعد مااحبه

نعم يـالطيّبه بـنـت البوادي
.....................دريت بما حصل وأبكيت عيني
عسى همّك يروح اليوم غادي
....................وينزاح الشـقـا وكـل الونيني
وعسى ماتذوق عيناك البعادي
....................عن أحبابٍ بقلبك سـاكـنـيـني

حرف النون

كمان مرّه

مساجله خاصّه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة