مساجله خاصّه

**جلال الخالدي** · 22-05-2001, 01:43 PM

هلا يابنت الباديه

ليه مافي حد يابنت الباديه
..................... وش جرى ؟ هالناس عنا غايبين
ماتهوني وإنتي والله كافيه
..................... والنعم يابنت نسل الطيبين

ياء

**sh1122** · 22-05-2001, 02:09 PM

هلا بالجميع...
هلابك يا جلال .

حرف الياء . لا يوجد مشاكل انشاء الله .

ــــــــــــــــ

يا صاحبٍ في الهوى كنت أناديه
....................... وعـقب جيّته صـار عنـدي عـذاب
يبعد الحب واللي يجيب طاريـه
....................... اللي فيني يكفي من واحدٍ كذاب
ـــــــــــــــ
وشكراً لكم جميعاً .
حرف ( الباء )

**جلال الخالدي** · 22-05-2001, 02:35 PM

أهلين ياشاكر

صح لسانك ...

انت قصدك حرف الالف لأننا ناخذ الحرف ماقبل الاخير

أكتب لأبوي اللي على الهم صبّار
........................... قصيدةٍ تـحـكـي خـفايا شعوري
يابوي ضايق ..تايه وحيل محتار
.......................... من هالزمان اللي تزايد بجوري

حرف الراء

**sh1122** · 22-05-2001, 02:51 PM

مرحبا بالجميع

ما دريت يا جلال انكم تاخذون الحرف اللي قبل الأخير ولكن صار خير .

تقول الحرف ( الراء )

ـــــــــــ
راح التعب والشقى من شوفت حبيبي
.................... وراحت ايام الحزن من يوم شفته
ــــــــــــــ
هذا اللي عندي ( عجزت اكمله ) ولكن ابشركم طحنا في الشعر هههههههههه
نقول الحرف ( التاء ) وش رايك يا جلال ( صح علي ) هههههههه

**جلال الخالدي** · 22-05-2001, 03:00 PM

صح عليك

لا يكفينا هالبيت ..حلو والله ياشاكر ..

تاء هاه

تصدقي إن حبي لكي .. كثر السحايب والمطر
....................والله يمكن إنه أكثر وأكثر لحدٍّ كثير
كثر دمع الناس وأكثر .. من تواصيف وشعر
................ وكثر مالغيمه تسافر وكثر مالطاير يطير

ياء

**sh1122** · 22-05-2001, 03:23 PM

مشكور وانا:شاكر: لك على أخلاقك الجميله .

تقول ( الياء )

ــــــــــ

ياما راح الحب والهم باقي
.................... وانا من البارحه واليوم صرت تعباني
الحب ما بغاني ولا قدّر حياتي
.................... صرت مهموم ولا احدٍ درى وش اللي في بالي
ــــــــــ
حرف ( اللام )

**جلال الخالدي** · 22-05-2001, 07:21 PM

هلا شاكر

وش تبغى باللام ياخوي .الله يهديك

لا تلوم القلب لا حبّك وهام
...................... في هواكم ياملقّيه العذر
عد معي نحيي عبارات الغرام
................ وارهن اللحظات لاجلك والشعر

عين

**][الورد}[** · 22-05-2001, 08:28 PM

السلام عليكم ؛؛؛
مساااااااااااء الورد ياحلوين

يازينكم وووين ماحد قالي 00ادري عنها ليالي تبي تاخذ المليون وحدها

عطيني نصها ولا بعلم عليكي ياليالي 000

عيني معاد تبي شـــــــــوفتك ...... والقلب فقد وياك حــــــــــــــنانه

لاتفكر اني ادور رجــــــعتك ...... معاد لك بخــــــافقي
مكــــــــــــانه

حرف النون

**جلال الخالدي** · 22-05-2001, 08:43 PM

أهلين بالورد

الله حيّها ..أسفرت وأنورت

نعم يالورد نوّرتي محلّك
................... ألف يامرحبابك ياشذيّه
عبير الورد والريحان ظلّك
.................. شرّفتي الشعر ياغشمريّه (يعني مزوحه

)

حرف الياء ...
وين الناس ..ليالي ليش طافيه

**][الورد}[** · 22-05-2001, 09:28 PM

السلام عليكم ؛؛؛

هههههههه شكرا لك جلال

ياووووويل حالي ياغناتي

تشتكي اليالي كثر السؤالي

في المصيده خذ وهاتي

وتصيح وينك عنى ياجلالي 000

هههههههه
مزووووووووووووح

**جلال الخالدي** · 22-05-2001, 10:05 PM

هلا

مالي شغل بالمصيده

وأنا لي عتب عليك يالورد ... وينك عن منتدى الشعر ...
ولا مافي وقت ؟

مانستغني عن تواجدك .... وإلقاء نظره
على مايكتب ..ترى عندنا كتّاب مميزين ..وقصائد جميله ...
وانتي ماتخلين عندك ..ومدكّنه

طلعي المستخبي

وين وقفنا ..حرف اللام

عذبني هالحرف والله

ليه ياعالم ذبحتوني بلام
..................... والله ماعندي ميول لهالحرف
أكرهه ياناس لامن بعد لام
.................... ماكتبته كله والله بالصدف

فاء

**ليالي الشوق** · 23-05-2001, 05:18 AM

أنا اشهد والله ..وينك عني ياجلالي...

وتسوي روحك بريئ بعد ؟؟؟

هلا والله بالورد ..عزيزتي تو ما نور المكان .!!..

وبعدين تعالي تبين تشاركين في المليون ..فالك طيب..بس خلنا اول ناخذ موافقة بعض ناس ماتشوفينهم قالوا مرفووووووووووووووووووووووض من قاصي جوفهم ....من الخرعه أدري!!

جلاااااااااااااااااااااال ..
ليش تكره حرف اللام

ما تدري انه حرفي ؟؟ بتكره الجيم !!كيفك..بس اللام ...لااااااااااااا.

حرف الفاء..
في حضرة الورد ..الكل هلا وقام
.......وان كان صدفه طلتك ..يا محلا الصدف
ليالي يالزينه تهلي ..ردي السلام
........ومثلك أهل للطيب ..والكل يعرف..
راء..يالله بعد علشان ما تقول يا جلال لام

**][الورد}[** · 23-05-2001, 09:11 AM

السلام عليكم ؛؛؛

هلا وغلا فيكي يالغاليه
الا تعالي قليلي من فك لك الباب في المصيده
هههههههههه
النور نوركم يالغالين
ترى مابطلع من عندكم الا ونص معاي
هههههههههههههههه
ردي على صوابي ياليالي 00000

اشوفك برق في السماءعالي

من مثلك سافر في الجمالي 00000

كنك تمام البدر يوم تهلي

حرف لااااااااااااام
يؤؤؤؤؤؤؤؤؤؤؤؤ
ههههههههه جلال
صدفه والله
ترى اسمعو صدق والله انا ماعرف اقول شعر بس
احب اكون وياكم 00الله يعينكم علي
هههههههههه
انقدوني عشان اكتب صح ؛؛؛

**ليالي الشوق** · 23-05-2001, 09:39 AM

هلا والله بالورد..ياورد

كل الهلا وكل الغلا لك
الله الله طلع الحكي يا اختاه.. ياللي تسوين روحك غشيمه ...طيب

النص راح نعطيك اياها تستاهلين ..بس لو على هالجيه وهالطله الحلوه....دوم انشاء الله..
وشوفي نص النص تدفعينه لي لاني راح اخلصك من جلال ..

هو كان مهدد يذبح أي واحد
يجيب حرف اللام ..وانا راح اخلصك من الاثنين ..

..اتفقنا؟؟

اللام ..

لو أفدي عمري لصاحبي
...........................عمري ولا يسوى
قلبي وروحي وكل ما يبي
...........................وبعده أبد ما اقوى

الواو ...كله من الخرعه من جلال ..لا حرف لام ولا جيم ..رجاء إرحمونا

**sh1122** · 23-05-2001, 03:36 PM

هلا بالجميع ... وكيف حالكم جميعاً
تقولون حرف ( الواو )
ـــــــــــ
والله ان الحبيب كان بعيني وبقلبي
............................. وحبّه كل يوم يزيـد عندي
حبّيتـه حـبٍ ما حبّه غيـري
............................ مير ان الحبيب ما درى عني
ـــــــــــــ
وشكراً
حرف ( النون )

**جلال الخالدي** · 23-05-2001, 03:46 PM

هلا ..مخروع ...بس شفتي رديتونا على النون

هلا بشاكر ... وش تبي بالنون الله يهديك

ماعليه نعديها هالمرّه

نايف ترى ضاقت بأخوك الوسيعه
............................... وبداخلي حيره وأفكار وإظنون
من صاحبٍ أقفى وتركلي وجيعه
............................. القلب مدمي وزاده الغالي إطعون
مزيونةٍ والله بـخـلـق الطبيعه
............................ ولا عقبها تسحر مثل عينها عيون

نسيت إن حرفك لام ياليالي

آسف

يالله الحين حرف الواو

**ليالي الشوق** · 23-05-2001, 05:51 PM

والله مستعجله ..

جلال ..سامحتك بس لا يكون تجيب طاري اللام بشين

..
عموما انا مستعجله الحين ..طالعه...وهذا بيت واحد بس على الطاير ..

قصدي على عجاله

الواو..
ومني خذها نصيحه..من باعك بيعه
.................ومن عافك عوفه..لا تصير مجنون
حرف الواااااااااااااااااااااو
القاكم فيما بعد ..تحياتي

**جلال الخالدي** · 23-05-2001, 06:31 PM

هلا

أجل مستعجله ( بتحصيل الديون ..الظاهر مو بس أنا

)

واو ..

ودّي أقول .. وعاندتني حروفي
.............................. خايف أبوح بما خفا في كنيني
ودّي أجيك .. وزايدٍ منك خوفي
............................. خايف تصد وتذرف الدمع عيني
كثر المحبّه ..كثر ماهي ظروفي
............................ كـثـر الظنون اللي بليلي تجيني
من غير بوحي.. شوفي الحب شوفي !!
................................ يبان في قلبي وعقلي وعيني

نون

**sh1122** · 23-05-2001, 06:56 PM

هلا بالجميع ..
هلابك يا جلال . تقول وش هالحرف ( نون ) وسويتها مشكله والحين تجيب (نون) هههههههههه .
انت الحين تبي نون .
ماش ( القريحه ما فيها شئ )
بس المرّه الثانيه احاول اعطيكم شئ .
وشكراً
sh1122

**ليالي الشوق** · 23-05-2001, 11:43 PM

ياحسره!!

وينهم اللي يدفعون الديون ؟؟

ذبحونا واحنا نراكض وراهم وهم ابد طناش

هلا والله أخوي جلال..
حرف النون...

ناديت بعالي الصوت وينك يا عطوفي
................ما له مجيب صوتي وزيد ونيني
الشوق لك ساكن بقاصي جوفي
.................يرعاك ربي جاوب يا ضنيني
نون

مساجله خاصّه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة