قم يانديبي شيك الجمس واضبط
زيته وماه وزوده بحتياطـــــــــــــي
وبالك وبال الزود والنقص تخلط
خلك على التشييك رجل انضباطي
عبارتين مصممه عود منحــــــــط
عود النصارى كيفهم بالقواطـــــــي
من مصنعه ما قلبوه الجحلــــــــط
ايضا ولا وقف لشيل الشناطي
سلعة حشيم الراي شيخ ٍ مسلّط
درب المراجل مسلكه ما يطاطــــي
لا دارسلفه وارتعد حن وشتـــــــــط
يشدي لرعاد ٍ سرى بختباطــــــــــي
لا تنهمه من قبل ما يمسك الخط
واليا ستوى خطه يجيه انشطاطي
إليا تجاوز موتر ٍ غصب يسفـــط
هيبة ****** ٍ بوسط البلاطــــي
وإليا وصلت المنتدى سلم الخط
وبلغ تحياتي وزود انبساطـــــــــــي
تلقى رجال ٍ هم هل الحل والربط
اسد ٍ على درب المهالك صواطي
من عقب دلة هيل وعلوم تبســـــط
حيل ٍ رعت من نجد عشب وحماطي
مع در خلفات ٍ وسمن ٍ تقلّـــــــــــــط
وعادات ربعي مدهم لسماطـــــــــــــي
وقت الملاقى تشبع الذيب الامعط
صكوا على العدوان موج الشواطــي
هم قرنة الروقه كعام المهايـــــــــــــط
الا د ناصر فعلهم ما يحاطـــــــــــــي
وقال العتيبي اسلم وسلم بشــــرط
أبي زيارتهم وعدها اشتراطـــــــــي
وصلاة ربي عد من شال أو حط
على شفيع الخلق قدم الصراطـــــيوسلامتكم جميعا ً
.gif)
تعليق