تقول اصبر

تقول اصبر ..
تبين اتحمل اللهفة واخفيها .
تقول اصبر ..
ونا ما اقدر .
لو اقوى الصبر دورته ..
عطيته كل ما أملك ..
ولا اغالي عليه بشي ..!!
ولكن حبنا أكبر .
***
تقول اصبر ..
تبين اصارع الرغبة..
تبين اكابد ببعدك هجين الشوق .
وتمنحني جواز الموت .
انا ما اقدر !
تقول اصبر ولو مرة ..
وهي تدري وكل الناس بعد يدرون ..
حياتي بالدهر مرة .
إذا حاولت في صبرك ..
على قولك..
تسوقيني إلى النسيان ..
إلى نسياني الدايم من الدنيا !!!
ويمكن ذاك مطلوبك !!
ومن يدري ؟؟
***
انا اعرف الهوى مشروع ..
رسمنا له وخططنا ..
وحددنا معالمنا على رسمه ..
فكر وشموع !!

بدينا والهوى لبنة ..
وضعناها حجر تأسيس ..
وبدت تكبر معالمنا على رسمه .
وفجرنا ينابيعه أسى ودموع.
بداها صبرك المزعوم ..
وجيرت الصبر باسمي ..
تبين اصبر ..
ونا ما اقدر .!!