ميـــة عـــذر
أعزائي في هذا المنتدى الغالي
يشرفني الإنضمام لكوكبتكم المشرقه
وهذه أولى قصائدي :
ميــة عـــذر
كنت اقول الصبر لأهل النفوس اللي كبار...........وإن قلبي في المواقيف أشد من الصخر
يشرفني الإنضمام لكوكبتكم المشرقه
وهذه أولى قصائدي :
ميــة عـــذر
كنت اقول الصبر لأهل النفوس اللي كبار...........وإن قلبي في المواقيف أشد من الصخر
مايسبب لـــــــــي فراق المواليف إنهيار...........مادريت إن المـــفارَق هو الموت الحمر
لين جــات الساعه اللي عليها الوقت دار...........مفترق مـــاضي وحاضر ومستقبل عمر
في حـــــــــياتي ماجرالي مثل ذاك النهار...........ضــاع حلمي من يديني مثل لمح البصر
وإنهدم صبري ووقّفت خلف آخـــر جدار...........وإنهـــــدم يوم إن دمعي من العين إنتثر
جيت أبااهرج والعباير تحاصرني حصار...........تلجـــــم العبره لســـــاني ويذبحني القهر
كان ودي تسمع القلب من خــلف الستار...........لوقــــربت شوي تسمع حنينه في الصدر
حــــــن قلبي في وداعك حنين أم الحوار...........عقب شــــوف وليدها طاعنينه في النحر
ماهناك قلوب مافي الصــــــدور إلا حجار...........في هــــــذاك اليوم يرثي لها حتى الحجر
مثل حــــالي يـــــــوم خلتني الفرقى دمار...........ويش أقللك وانت عندك تفـــاصيل الخبر
عقب ذاك اليوم ماتنطفي للشـــــوق نــار...........كل ذكــــــرى تخبط الجمر ويطير الشرر
آه من قــــلبٍ ليامن طـــــرى طاريك طار...........مثل طيرٍ حـط وكـــره على جــال الخطر
كـــــل ماضوّى من الصيد بحلوق الصغار...........وإن طـــواها الجوع لجّت وياليل السهر
وآه مـــن طـــــــرفٍ ليامرّ مع ذيك الديار...........فاض دمعه مثل فيض المغيض إلياإنكسر
جـــــاه سيلٍ جر الأغصان مع دربه وسار...........لين شربت كــــــل الأودان والزايد ظهر
حــــالتي عقبك مثل حـــــالة المطلوب ثار...........في الخــلا راح يتخفّى عن عيون البشر
في ديـــــــارِ قفر ماعـــــاد فيها إلا الغبار...........كـــــل حـــــــيٍ شد عنها ولاجاها المطر
منتظر حـــكمك عليّه وطـــــــــال الإنتظار...........مير لاتقبل طــــعون العـــــواذل بالظهر
لاتحـــــاكمني غيابي وتصـدر بي قــــرار...........إن حكمت احـــــكم عليّه وانا تحت النظر
شوفتي بالعين تكفيك عن كـــــــل إعتذار...........في عيوني من مواري غلاك مية عــــذر
عبدالله الطلحي
.
عبدالله الطلحي
.
تعليق