لا بغيت تصير شاعر

احرق اوراق المشاعر

واكذب وجامل ونافق

وزور بكل الحقائق

وكلها حفنة ورق

مايضرك .. لو تقول الليل اصفر

وعبلة كانت اخت عنتر

المهم الناس تضحك

معك .. او تضحك عليك

ماعليك

يعني شاللي راح تخسر

منته شاعر بالاساس

ولا شغلت عيون الناس

يعني معروفة النتيجة

انت في اي حال تكبر
_ _ _ _ _ _ _ _ _ _ _ _ _ _ _ _ _ _ _ _

ابا شرب من الدله ولو كلها سم

ماهز فنجالك ولاقول كافي

مادام من يمناك وتقول سم

باسم الله اشرب كل سمك عوافي

_ _ _ _ _ _ _ _ _ _ _ _ _ _ _ __ _ _ _

مثل السهر في عيون من يحبك

تبقين لي بسمة امل بين الاحباب

في زحمة سنيني وفي طول دربك

اغراب نتجمع ونتفرق اغراب

مثل الحياة اللي تحبين احبك

ولو غبت عنك صارت ايامي اغياب

_ _ _ _ _ _ __ __ _ _ _ _ _ _ _ _ _ _ _

عاشق قديم

عاشق صريح

اسألوا نوم الشوارع

تحت اجفان المصابيح

واسألوا البرد والشمس والريح

اسألوا يمكن قوافي الشوق

مني تستريح

يمكن الصمت اللي ساكني

يغافلني ويصيح

جريح جريح جريح

_ _ _ _ _ _ __ __ _ _ _ _ _ _ _ _ _ _ _

توها تمسي على خير الكويت

يوم جفنك في ضواحيها غفا

كني الليلة من حضورك حييت

عقب موتي من مواعيد الجفا

_ _ _ _ _ _ __ __ _ _ _ _ _ _ _ _ _ _ _


ادور عنك ف الدفتر

ادور عن ثلاث اسطر

كتبناها انا وياك

واذكر كانت تمطر

ومسح دمع السما الاسطر

ولكن مامسح ذكراك

لقيت بصفحته الاولى

اماني شقر مجدوله

وحلم امتد ياطوله

وادور عنك انا ادور

واذكر ليه ماتذكر

ومسح دمع السما الاسطر