مهزلة مصرية جديدة

**ابن الارض** · 11-10-2004, 01:11 AM

الرد: مهزلة مصرية جديدة

مرحباً ياسر ..

معاك اخوك محمد من مصر ..

مضبوط فازت ليبيا في الوقت الذي واصل فيه الفريق المصري يوم 8-10 بعد المباراة تأمل عارضة مرمى الفريق الليبي والتي قامت بصد هدفين مؤكدين للفريق المصري!!

من المعروف طبعاً أن هذه الهزيمة سببت اخيراً عقده نفسية وحولاً عاطفياً للمصريين خصوصاً وانها أطاحت بالمنتخب المصري وجعلته يفقد الأمل في الانضمام لمونديال كاس العالم 2006..
الشعب المصري المغلوب على أمره .. مازالت عنده طموحات مؤكدة في الانضمام لمونديال كاس العالم 2054 .. خصوصاً وان هناك وعوداً من القائمين على المنتخب المصري بأن الأمل لسه موجود ..

الهدف الليبي الأول سجله نادر كارا لمنتخب ليبا بعد تمريرة خبيثة وعبقرية في نفس الوقت من المطلوب رأسه حياً أو ميتاً طارق التائب والذي يعتبر بحق نجم المباراة.
ثم جاء محطم آمال المصريين اللاعب احمد عثمان وسجل هدف الفوز بعد 84 دقيقة من خطأ دفاعي قاتل من زهور الحائط اقصد طبعاً الدفاع المصري !!
أجمل ما في المباراة أن عارضة المرمى الليبي صدت هدفاً مؤكداً من الجناح المصري طارق السيد بعد 78 دقيقة..

المباراة انتهت باحساس مصري فولي طعمجي مخيف ورهيب في الوقت نفسه من اللي حصل خصوصاً وان الحكم الجزائري جمال الحمودي تجاهل احتساب ركلة جزاء لمصر في الوقت بدل الضائع مما جعل الحمودي في موقف لا يحسد عليه بعد المباراة..

أنباء مؤكده بتقول أن الفريق المصري كان ناوي يتخذ من اوصال الحكم الجزائري وجبة عشائه..
يقال أن رجال الشرطة الليبيون تدخلوا لإنقاذ الجزائري قبل أن يحوله المصريين لارنب مشويَ!!

60 ألف ليبي كانوا في الملعب الليبي بيتفرجوا على المدبحه .. وحوالي 30 مليون مصري كان بيتابعوا الفضيحة من شاشات التلفزيون..

واحد صحبي اسمه عمرو عرضت عليه الموضوع بساله عن رايه في الخيبة المصرية تعرف قال ايه يا ياسر ..

قال : تعال نشجع فريق اخر و ليكن فريق جيبوتي فهو الاقرب للوصول لنهائيات كاس العالم عام 2020

وعرض كمان مكافاة 3 جنيه و نص و اربعين شلن صومالي مكافاة للي يجيب لنا طارق التائب ميت او حي!!

ما تيأس يا ياسر.. فيه امل بجد كبير اننا نخش مونديال 2056 .. يا عالم يوضع سره في اتعس خلقه..

ابن الارض

**جاسم الكويتي** · 11-10-2004, 04:46 AM

الرد: مهزلة مصرية جديدة

اخواني المنتخب المصري لم يكن محظوظ في المباراه .

وهذه المجموعه بالفعل ليس لها مستوى ثابت مصر تقوز على الكامرون والكامرون تتعادل مع السودان بالعافيه وليبيا تفوز على مصر !!!

وانا اتوقع الصعود للمنتخب المصري او الليبي انشالله . وكل شي سيظهر بالجوله الثاتبه من التصفيات .

**محمد أمين** · 11-10-2004, 02:24 PM

الرد: مهزلة مصرية جديدة

و يا أخواني اللي بيحصل مع المنتخب المصري ده بجد مهزلة , يعني و الله حرام فعلا , مدرب لا يفقه شيئ قاعد علي طووول في إيطاليا , و ما يشرفش سيادته إلا قبل كل مباراة بكام يوم , و لعيبة مستهترة , و إدارة فاشلة , إحنا ناقصنا مدرب قائد , و إدارة ناجحة , لا الجوهري و لا غيره , الجوهري جاء قبل كده و كان بيرفع لنا الضغط في كل مباراة , بيموت في الدفاع معرفش ليه !! , و بلاش نقارن اللي بيعمله مع المنتخب الاردني الشقيق مع ما سيفعله مع مصر , لأننا عارفين الجوهري و حافظينه , احنا بجد عايزين مدرب قائد للفريق , و قبل المدرب يكون في إتحاد كرة قوي و حازم , إنما علي الحال ده أحنا مش داخلين مونديال 2056 بس , ده أحنا مش داخلين و لاحتي مونديال 2256 , و الله حاجه تكسف ....

و تحية للأخواني الأحبة Yasser ,ابن الأرض , جاسم الكويتي

و تقبلوا مني خالص التحية و التقدير

أخوكم محمد

**joe** · 12-10-2004, 02:22 PM

الرد: مهزلة مصرية جديدة

انا بقول الحمد لله اننا مش هننظم كاس العالم 2010 عشان الفضايح
نلعب كرة ازاي اصلا .. حد فيكم شاف الملاعب ؟؟ خد اتفرج على ماتش الزمالك و اسمنت اسيوط ؟؟ ده لو الأرض كانت خراسانة او مسلح يمكن كانت تبقى احسن
و جوهري ايه ؟؟
الجةهري جاب آخره مع المنتخب المصري و انا في رأيي احنا محتاجين واحد بيفهم ينزل التشكيل
مش عارف انا ازاي ابو تريكة يلعب مهاجم و هو صانع لعب و خط دفاع مضروب بالنار و وسط مخلوع و كفاية قوي عبد الوهاب اللي احسن له يسيب الكرة و يروح يغني يمكن يفلح
و انا شايف ان على حظ مصر كل مرة في تصفيات كأس العالم .. يطلعلها فريق صغير يكبر على قفاها و على قفا فريق تاني كبير و مش ممكن ننسى السنيغال اللي طرقعت لمصر و المغرب و زي ما احنا شايفين المرة دي في كوت دي فوار هي اللى هتطرقع لمصر و الكاميرون ..
ربنا يكون في عوننا في حرقة الدم
و عودة مرة اخرى للدوري المصري الفاشل

مهزلة مصرية جديدة

مهزلة مصرية جديدة

تعليق

تعليق

تعليق

تعليق

مواضيع مرتبطة