ابسألك..
وش تبين فيني؟!..
علميني..
ماعرفتيني من أكون؟!..
منك ومعاك..
ابتديت مشواري..
لاجلك ولك..
كتبتها اشعاري..
وعن غلاك لاتسأليني..
اسألي عنه العيون..
وعن مكانك وين يكون..
اسأليها..
لك جواب من قلبي..
واضحٍ فيها..
ماعرفتيني من أكون؟!..

انا معاك انتي..
صادق مايخون..
واثق ومفتون..
عاشق ومرهون..
للصدق..وللوفا..وللاخلاص..
رهنتها لك..
وبالمحبه عناويني..
ماعرفتيني من أكون؟!..

الصدق فيني..قدره كبير..
مختلف عن كل التعابير..
بدايه..ومضمون..ونهاية..
عنوان لأية حكاية..
هذي ترى كل الحكاية..
ماعرفتيني من أكون؟!..

انا من مسح دمعتك..
انا من رسم ضحكتك..
انا من عوضك..عن سنين حرمان..
انا من اعطاك الأمان..
وكل الوفا والحنان..
انا من حسسك بقيمتك..
لين ارتفع بالهوى شانك..
وكله..على شانك..
انا من علمك..
ان المحبة ماهي كلام..
وان المحبة احساس..
وكيف هالاحساس..
بالمحبة اساس..
ماعرفتيني من أكون؟!..

تذكري يوم سامحتك بزلاتك..
بصدرٍ وسع هالكون..
لاجل الغلا..
زلتك في صدري... وش تكون؟!..
ماعرفتيني من أكون؟!..

ابسألك..
معاك انتي..
هو فيه مثلي بهالزمان..
هو فيه مثلي بهالمكان..
ابسألك..
من يقوى يسده مكاني..
من يقوى يبدل حناني..
من يقوى..
يكون صادق معاك..لو ثواني..
ماعرفتيني من أكون؟!..

ابسألك..
وش تبين في صادق..
محظور بهالزمان..
محظور بهالمكان..
وافي معاك انتي..
صادق مايخون..
واثق ومفتون..
عاشق ومرهون..
وافي معاك انتي..
مافيه مثله بهالزمان..
ولافيه مثله بهالمكان..
صدق وأمان..معاك انتي!!..
ماعرفتيني من أكون؟!..

انتي تجاهلتي..
كل هالمعنى الكبير..
انتي تجاهلتي..
كنز صدقي..بنفس طماعة..
ولا عاد تنفع لك شفاعة..
قلتها بصدق وقناعة..
وش تبين فيني؟؟..
الى هالحد..وكفاية..
ذنبك.. تعرفينه..
ولا اظنك تجهلينه..
روحي..الله يسهل عليك..
اقولها مجبور..
وعن كل جرح..مشكور..
اعذريني..
انا مااستاهل تخونيني..
ويوم انا فيك مجنون..
ماعرفتيني من أكون!!..
حبيبتي....سامحييني..


تحياتي
الساري,