قالى فى يوم
اٍنتى حكاية
فيك ِ رواية معرفهاش
فيكِ شوارع مخطتهاش
قالى فى يوم
اٍنتى بداية فيها نهاية
نورها بيخطف بس بيحرق
لونها بيبهر بس بيقهر
قالى فى يوم
تيجى نجرب
نسهر ..نتحير ونعشق
تيجى نعدى البر التانى
قالى فى يوم
وعدك صدق
عينك درب
وقلبك يملى الكون بالحب
قالى فى يوم
اٍوعى تغيبى
ده انتى بقيتى كل نصيبى
كل لهيبى
قالى فى يوم
لاكفاية
تعالى نهرب من النهاية
قبل ماتكمل الحكاية
ويوم ورا يوم
مقلش كلام سكت
مقلش سلام
ونسى ونسيت الحكاية
تعليق