السلام عليكم
احدى روائع الشاعر سعود الدهيمي
تفضلوها واتمنى ان تنال اعجابكم :
تنفع دروس المدارس ساعـة الشـده**لاحاضر ابها كبير الشان والقـدري
امـا كبيـرٍ لحـق مالحـق ويعـده**سوالفه لاهرج يشرح بهـا صـدري
ولاّ صغيرٍ يـرد العلـم عـن جـده**ينقى علومه نقـو ماجابهـا كـدري
لعلّهـا للعمـار اعـمـار ممـتـده**مجالسٍ علمها يفلـج ضيـا البـدري
لاجيت فيها استمـد العلـم واعتـده**وافتك من نشـدةٍ مردودهـا مـدري
اخير من مجلسٍ مـع بـارد الخـده**اللي يلوك الحكا بالكـذب ويهـدري
اللـي يلمّـع كثيـر المـال ويعـده**ويروبع البيت لو بيت الخنا خـدري
هـذاك لاجابتـك خطوتـك منحـده**وساقتك صدفتك اله فالمجلس الحدري
اليا هرج ورّه الاعـراض والصـده**واطلب من الله يبعّد وجهه الـودري
وان قال ذاكبر قل كـلٍ علـى قـده**هذاه طبعٍ طبع فالنفس مـن بـدري
لاجيتلي مجلسٍ جـزره ورى مـده**ماارضى بهرجٍ ينقّص شي من قدري
لن التواضع لامنّـه زاد عـن حـده**يضعفك في عين غيرك ونت ماتدري
تعليق